မြို့ပြတစ်ခုရဲ့ ၂၄နာရီ

နံနက် သုံးနာရီထိုးပြီ။ အိပ်ယာထ မျက်နှာသစ်ပြီး ဈေးတောင်းဆွဲပြီး ထွက်လာပါတယ်။ သွားတိုက်ဆေး ကုန်နေလို့ သွားတောင်မတိုက်ခဲ့ပါဘူး။ ကွမ်းယာလေးဝါးလိုက်ရင် ဖြစ်ပါတယ်လေ။ သွားတိုက်ဆေးဈေးကလည်း မသေး။ သွားတိုက်ဆေးက အရေးမကြီးဘူး။ ဒင်းအရည်ဖိုးမရှိရင် ကျုပ်ကိုရိုက်ဦးမှာ။ ဒီနေ့ ရေကျရက်ဆိုတော့ ငါးရှားမယ်။ စောစောသွားမှ တော်ကာကျမှာ။ ဒီအချိန်လောက် ထွက်မှ ကမ်းနားဈေးကို ၄နာရီမထိုးခင်ရောက်မှာ။ ဒါမှ ပစ္စည်းရွေးလို့ရမှာလေ။ မနေ့က ချန်ထားတဲ့ ဈေးဖိုးလေးကိုရေတွက်ရင်း ရိုးကြီးရိုးလေး ကားဂိတ်နား ရောက်လာပြီလေ။ ၅ယောက်ပဲ ရှိသေးပေမယ့် ထွက်ဖို့လုပ်နေတဲ့ စပယ်ယာကို ခဏတားပြီး ဈေးတောင်းကို သံတိုင်မှာချိတ်ပြီး ကျမကိုယ်လုံးကြီးကို ဆွဲတင်ခိုင်းရသေးတယ်။ ကျမလဲကားပေါ်ရောက် ကားကလည်းကစုန်ပေါက်လို့ ထွက်တာပေါ့။ လှိုင်သာယာရဲ့ ချိုင့်ပေါင်းများစွာ ပြည့်နေတဲ့ ကားလမ်းကျဉ်းကျဉ်းလေးကို အတိမ်းအစောင်းမရှိ မောင်းနိုင်တာကလည်း သူတို့အစွမ်းပဲလေ။

မီးခွက်ဈေးရောက်တော့ ကျမလိုလူတွေ လေးငါးယောက်လောက် တက်ကြပါတယ်။ တိုးဝှေ့ အော်ဟစ်ရင်ပေါ့။ ခြင်းတောင်းတွေ၊ ငါးဗန်းတွေနဲ့ တစ်နေ့စာ လုပ်ငန်းခွင် စပြီလေ။ မီးခွက်ဈေးမှာ ကွမ်းတညက်လောက်နေပြီး နောက်ကားဖင်တိုက်မှ စပယ်ယာကထွက်ပါတယ်။ နေ့ခင်းဘက်ဆို လိုင်းကားတွေ ကျောက်ချတာကြာရင် ခရီးသည်တွေက ပွစိပွစိလုပ်ပေမယ့် ဒီလိုအချိန်ဆို တော်ရုံနဲ့မပြောကြဘူးလေ။ အားလုံးကလည်း ကိုယ်လို လူတွေကြီးပဲဆိုတော့ နားလည်နေကြပြီလေ။ စပယ်ယာတွေကလည်း သည်းမခံနိုင်လောက်တဲ့ အထိအောင်မနေကြပါဘူး။ ပြီးတော့ အဲဒီအချိန်တွေဆို လမ်းတက်လည်း နည်းတယ်လေ။ ဂိတ်စ ရိုးကြီးရိုးလေးရယ်၊ မီးခွက်ဈေးရယ်၊ ဘုရင့်နောင်ထိပ်ရယ် ပြီးရင် ကမ်းနားဈေးနဲ့ သီရိမင်္ဂလာဈေးအထိ တောက်လျှောက် မောင်းတော့တာကိုး။

ကမ်းနားဈေး ရောက်တော့ ကျမဆင်းလိုက်ပါတယ်။ တိုင်မှာချိတ်ထားတဲ့ ခြင်းတောင်းကို ဖြုတ်ခိုင်းပြီး ငါးဈေးကြီးထဲဝင်၊ ဈေးသင့်ရာငါး၊ အဝယ်လိုက်မယ့်ငါးတွေရွေး ပြီးတာနဲ့ ခါလီသမားခေါ်ပြီး ကားဂိတ်ကို လိုက်ပို့ခိုင်းရတာပေါ့ ခေါ်နေကြခါလီသမားက ဘယ်ပျောက်နေမှန်းမသိလို့ တခြားတစ်ယောက်ကိုပဲ ခေါ်လိုက်ရတယ်။ ကားဂိတ်ရောက်တော့ ၃၀၀ နဲ့ပြောထားကို ၄၀၀ ပါလုပ်လို့ ရန်ဖြစ်မတတ် ပြန်တုတ်ရသေးတယ်။ ဒါတောင် စပယ်ယာကပြောပေးလို့။ အဲဒီကောင်တွေက အဲလိုပဲ။ မတင်ခင်ကတော့ ဈေးစကားကို သေချာမပြောဘူး။ ကားဂိတ်ရောက်မှာ ဝါးတားတားနဲ့ သူပဲ ဘယ်လောက်လို့ ပြောခဲ့သလို။ ကုန်က ဒီလောက်အများကြီး ဖောက်ဖိုးနဲ့ တင်မွဲမှာပေါ့ဆိုတာက တမျိုး၊ ကားပေါ်ထိ တင်ပေးတာပဲကို ဆိုတာကတဖုံ။ ဒီကြားထဲ ငါးကတင်လို့မပြီးသေးဘူး ဒရိုင်ဘာက နှာတမှုတ်မှုတ်နဲ့ ဘီးလှိမ့်ချင်နေပြီ။ "နေကြပါဦးဟ၊ ဒီမှာတင်လို့တောင်မပြီးသေးဘူး" လို့အတင်းကိုအော်ပြီး တင်ရတယ်။

သီရိမင်္ဂလာဈေးမှာ ကတည်းက ပြည့်နေတဲ့လူတွေကုန်တွေနဲ့ ဆိုတော့ ကျုပ်တို့ ငါးဈေးသမားအတွက် မနည်းကြီးကို ကုပ်ဖဲ့ပြီးတင်နေရတာ။ နဂိုက ဒီဇယ်ကားတွေတုန်းကဆိုရင် ဒိုင်နာလိုင်းကားတွေရဲ့ လူထိုင်တဲ့ခုံအောက်မှာ ငါးတောင်းတွေ ထားလို့ရသေးတယ်။ အခုက စီအင်ဂျီးဆိုလား ရှည်ရှည်တိုင်ကီကြီးတွေက နေရာယူထားကြတာ။ ၆လမ်းသွားကြည့်မြင်တိုင်လမ်းမကြီးကလည်း လိုင်းကားတွေ၊ ခါလီတွေ၊ ကူလီသမားတွေ၊ ငါးတောင်းငါးဗန်းတွေနဲ့ပြည့်လို့ ကားသံတွေ၊ လူသံတွေ ဆူညံပွက်လောရိုက်နေတဲ့ ကြားထဲကနေပဲ ကားစထွက်ပါတယ်။

လမ်းတလျှောက်တော့ အလာတုန်းကအတိုင်းပါပဲ။ အဆင်းအတက်သိပ်မရှိဘူးလေ။ ဘုရင့်နောင်ရယ်၊ ရုံးထိပ်နဲ့ တစ်ထိပ်မှာရယ် လောက်ပဲ မယ်မယ်ရရ အဆင်းအတက်ရှိတယ်။ မီးခွက်ဈေးရောက်တော့ တစ်စီးလုံးနီးပါး ဆင်းတယ်လေ။ ကျမလည်း အပါအဝင်ပေါ့။

စပယ်ယာကလည်း ငါးဗန်းတွေ၊ သစ်သီးတောင်းတွေ၊ ပန်းစည်းတွေ အပြင် ကျုပ်တို့လို ကိုယ်လုံးကြီးကြီး မိန်းမကြီးတွေကိုပါ တွဲပြီးချပေးရပါတယ်။ "ဖြည်းဖြည်းလုပ်ပါဟ၊ ငါ့ငါးတွေ နာကုန်ပါမယ်။ ငါ့ပန်းတွေ ကြေကုန်မယ် သတိထား" စတဲ့အသံတွေက မီးခွက်ဈေးရောက်တိုင်း စပယ်ယာကြားရမယ့် အသံတွေပါ။ စပယ်ယာတွေကလည်း ဒီလိုအချိန်ဆို စိတ်ရှည်ရှည်နဲ့ လုပ်ပေးပါတယ်။ စပယ်ယာတွေ အပေါက်ဆိုးတယ်ဆိုတာ ဒီလို မနက်ခင်းမျိုးမှာတော့ တော်တော်နဲ့ မတွေ့ရပါဘူး။ ဒီလိုအချိန် လှုပ်ရှားရုန်းကန်တဲ့ သူတွေကလဲ ကျုပ်တို့လို တစ်နေ့တစ်နေ့ လက်လှုပ်မှ ပါးစပ်လှုပ်ရမယ့်သူတွေ အချင်းချင်းကိုး။ ငါးတောင်းတွေ ကားလမ်းဘေးမှာပုံ၊ ခါလီထပ်ငှား ကျမဆိုင်ဖွင့်တဲ့နေရာလေးဆီပို့ခိုင်းပြီး ငါးတွေထုတ် စီစီရီရီ ပြင်ဆင်ပြီးတော့ ငါးနာရီကျော်နေပြီ။ ငါးနာရီခွဲလောက်ကျတော့ ဖောက်သည်တွေကော၊ ဖောက်သည်မဟုတ်တဲ့ သူတွေရော ဈေးမေး၊ ဈေးဆစ်နဲ့ လာကြပါတယ်။ ကျုပ်ကလည်း လျှော့ပေးသင့်တန် လျှော့ပေး၊ ဆွယ်စပ်ရောင်းသင့်တန် ရောင်းပေါ့။

၇နာရီ မထိုးခင်လေး ထင်ပါတယ်။ အရင်းတောင်မရသေးပါဘူး သူလာပါပြီ။ ခုနက ရောင်းထားတဲ့ ဈေးဖိုးလေးတွေကို အဝတ်စအောက်ကို ထိုးထည့်ပြီး ပြောလိုက်တာပေါ့။ "ဟာ…ဈေးဦးတောင်မပေါက်သေးဘူး။ ရှင်တို့ကလည်း အပြန်ကြမှလှည့်လာခဲ့။" "မသေးတင်နော်၊ ခင်ဗျားက အမြဲဒီလိုပဲ၊ မရဘူးဗျာ တခါတည်းပေးလိုက်။" ဒီလိုနဲ့ သူတင်ကိုယ်တင်ပြောပြီး ကျုပ်ကလည်းကျုပ်ပဲ အရင်းမရသေးရင် ဘယ်တော့မှမပေးဘူး။ မဟုတ်လားတော်။ ဈေးဖြင့်ရောင်းမယ်မကြံသေးဘူး သူတို့က လာကောက်နေပြီ။ ဒီလိုနဲ့ ရောင်းနေလိုက်တာ ဈေးခေါင်းကွဲလို့ ၁၀ခွဲလောက်တော့ရှိရောပေါ့။

မနေ့ညက ကိုဖိုးထောင်ပြောတဲ့ ဝမ်းချိန်းလေးကို ၂နဲ့ကပ်ပြီး ၅၀ ဖိုးလောက်စီထိုးပေးဖို့ ဆိုက်ကားသမားကို သွားခိုင်းရသေးတယ်။ ပြီးတော့ အိမ်ပြန်ရောက်တော့ ချက်ပြုတ်ပြီး ထမင်းစားနေတုန်း လက်ဘက်ရည်ဆိုင်က လှမ်းအော်တာက သုံးလေးတဲ့။ ကိုမောင်ညွန့်တော့ပြောသား ဒီနေ့ ညီအစ်ကိုဆိုပဲ သူပြောတာလေးကမှဟုတ်ဦးမယ်။ ထမင်းစားပြီးလို့ တရေးလောက် မှေးမယ်ကြံတုန်း အငယ်ကောင်က ဘောလုံးကန်ရင်း ခြေကွဲသွားလို့တဲ့လေ။ "တော်တော်ကဲတဲ့ကလေး လာစမ်း" ဆိုပြီး သုံးလေးချက်လောက် ဆင့်ရိုက်လိုက်သေးတယ်။ ခြေထောက်က တော်တော်ကွဲသွားတာဆိုတော့ ဆေးခန်းတော့သွားပြဦးမှပါလေဆိုပြီး သွားရသေးတယ်။ တော်သေးတာပေါ့ ဒီနေ့ ရောင်းကောင်းလို့။ ရောင်းကောင်းလို့ ပျော်မယ်ကြံတုန်း ဒင်းလေးက ပြဿနာရှာတယ်။ ဆေးခန်းသွားရင်း ညနေအတွက် မနက်ကဟာလေးကို ထပ်ပြီးလုပ်ခိုင်းရသေးတယ်။

ဆေးခန်းက အိမ်ပြန်ရောက်တော့ ယောက်ျားက ဆိုက်ကားတွန်းပြီးထွက်လာပြီ။ "ညကျရင် မူးရူးပြီးမှ ပြန်မလာနဲ့နော်" လို့လည်းမှာရသေးတယ်။ မှာမဲ့သာမှာတာပါ။ တစ်ပတ်မှာ ၆ရက်လောက်က သောက်ပြီးမှ ပြန်လာတာပါပဲ။ ပြန်ရောက်လို့ စိတ်မကြည်ရင်လည်း ကျုပ်နဲ့ ရိုက်လားပုတ်လား။ တော်ပါပြီ ဒီနေ့တော့ စောစောအိပ်တော့မယ်။ သူပြန်လာမှ ရစ်တော့လည်း ဒင်းနဲ့ သတ်ရုံပေါ့။ မနက်ဖြန် ငါးဒိုင်မှာ ငါးသလဲထိုးရောက်မယ်ဆိုလို့ စောစောပြေးရဦးမယ်။ အိပ်ဦးမှ...။

--
ဗီလိန်