နောက်ဆုတ်ခြင်းလား ရှေ့တိုးခြင်းလား
ရှောင်ပုန်းခြင်းလား ဇွတ်တိုးခြင်းလား
မရေရာမှုတွေနဲ့မှ နပန်းလုံးချင်တာ
မွေးရာပါ ဆိုတော့လည်း ခက်သား
ငါ့အတ္တ၊ ငါ့တဇွတ်ထိုး၊ ငါ့ခေါင်းမာမှုတွေ
နောက်တစ်နည်း....
ငါ့ရဲရင့်မှု၊ ငါ့ပြတ်သားမှု၊ ငါ့ယုံကြည်မှုတွေ အတွက်
ငါ့ဘဝငါ စိန်ခေါ်ရုံပေါ့
တံငါလိုက်ဝတော့ အမဲလိုက်
ကျားဆိုးလည်း ငါမကြောက်ဘူး
အမဲလိုက်ဝတော့ တံငါလိုက်
မုန်တိုင်းထန်လည်း ငါမဖြုံဘူး
ဘဝကြမ်းကြမ်း လှိုင်းထန်ထန်ထဲ
ငါ့လက်တွေ ပစ်ပြီးကူးနေဦးမယ်
ငါမမောဘူး
အမေ့အပြုံးလေး ငါ့အနားမှာ ဝဲနေသ၍ပေါ့။
ဗီလိန်
Mr. Guan
သူ့မျက်နှာနီရဲရဲသူ့ဝတ်ရုံ အစိမ်းရင့်ရင့်
နောက်ကျောက မခုတ်တဲ့ နဂါးစိမ်း ဓားပြားလှံရှည်
နတ်ဘုရားလို စံထားလောက်တဲ့ သူရဲ့ ပြယုဒ်
ခုတော့ ဒီပြယုဒ် ဆိုတာ
ဟိုး............... အဝေးတောင်စွယ်ကြားက နေလုံးနဲ့အတူ
ပျောက်ဆုံးသွားတော့မှာလား..............။
ဗီလိန်
Subscribe to:
Posts (Atom)
