ရေညှိတွေနဲ့လှေကားတစ်(၂) (သို့) အတွေးတချို့နှင့်ကခုန်မိခြင်း


သီတင်းကျွတ်လောက်ရောက်တော့ စိုင်းတစ်ယောက် “တစ်ရွာမပြောင်း သူကောင်းမဖြစ်” ဆိုတဲ့စကားပုံလေးကို ပုံဖော်လိုက်တယ်။ လက်ရှိအင်းစိန်အိမ်ကနေ မြေနီကုန်းက စမ်းချောင်းလမ်းကိုပေါ့လေ။ နောက်လဆို ကျောင်းစတက်ရတော့မယ်လေ။ အိမ်တင်မဟုတ်ပါဘူး။ စမ်းချောင်း၊ ရွှေပြည်အေးလမ်း က ကချင်တွေစုဝေးရာ ကချင်ဘုရားကျောင်းကို တနင်္ဂနွေနေ့တိုင်း ဘုရားဝတ်ပြုဖို့ သွားရတော့မယ်လေ။ အရင်ကတော့ နှစ်လကိုတစ်ခေါက်လောက်တော့ ရောက်ပါတယ်။ ဝေးတော့သိပ်မသွားနိုင်ဘူးလေ။ ဒါတောင် သူငယ်ချင်းတွေရှိလို့သာ။

Sunday ရောက်တော့ထုံးစံအတိုင်း မနက်ပိုင်း မြန်မာလိုတစ်ကြိမ်၊ နေ့လည်ပိုင်း ကချင်လိုတစ်ကြိမ် ၀တ်ပြုဆုတောင်းပါတယ်။ ၀တ်ပြုပြီးဘုရားကျောင်းကအထွက်
“အားဂျန်”
အသံကြားလို့လှည့်ကြည့်တော့ မူကြို။ အရပ်ကပုပု မျက်နှာပေါက်က ကလေးရုပ်နဲ့ဆိုတော့ အားလုံးကဒီလိုပဲခေါ်ကြတယ်လေ။
“မင်းစမ်းချောင်းကို ပြောင်းလာပြီဆို”
“အေး၊ သောကြာနေ့ကပဲ”
အဲဒီနေ့ညနေက မူကြိုနဲ့ လက်ဘက်ရည်ဆိုင်ထိုင်ဖြစ်တယ်။ လက်ဘက်ရည်မကြိုက်တဲ့ စိုင်းအတွက်တော့ Star Cola ပေါ့။ ကျွန်းတောလမ်းက ရွက်သစ်လက်ဘက်ရည်ကောင်းတယ်ဆိုတာ စိုင်းအတွက်တော့ မထူး။ မူကြိုနဲ့ သာကြောင်းမာကြောင်း ထွေရာလေးပါး စကားစမည်ပြောရင်း မူကြိုတည်လိုက်တဲ့စကားတစ်ခုက
“အားဂျန်၊ မင်းဒီအတိုင်းပဲနေတော့မှာလား။”
“ဒီအတိုင်းမနေလို့………?”
“မဟုတ်ဘူးလေကွာ။ ဘ၀အတွက် လက်တွဲဖော်ကိုပြောတာ။ ဘာလည်းမင်းက စည်းကမ်းကြီးအတိုင်းပဲ လိုက်တော့မှာလား”
(မှတ်ချက်။ ။ စည်းကမ်းဆိုတာက ကချင်ရိုးရာ ယဉ်ကျေးမှုအရ အစ်ကိုမောင်များက နှမညီမများအတွက် သမီးပေးရတဲ့ ယဉ်ကျေးမှုလေးကို ဆိုလိုခြင်းပါ။ စိုင်းအတွက်တော့ စိုင်းအမေရဲ့ အစ်ကို၊ မောင် တစ်ယောက်ရဲ့ သမီးနဲ့လက်ထပ်ပေး ရမှာပေါ့။ အခုနောက်ပိုင်းတော့ လိုက်နာသူတွေ နည်းလာပြီပေါ့လေ။)
စိုင်းနှုတ်ခမ်းနှစ်ဘက် ဘေးကားသွားတယ်။
“အဲလိုတော့လည်းမဟုတ်ရပါဘူးကွာ။ ထီးဆောင်းချင်လို့ မိုးအရွာကိုစောင့်နေတာ။ ကဲပါကွာ၊ သွားရအောင်။ အိမ်မှာအ၀တ်တွေလျှော်ရဦးမယ်။”
ပြောချင်ရာပြောပြီး အမြန်စကားစဖြတ်လိုက်တော့ မူကြိုတစ်ယောက် ခေါင်းတကုတ်ကုတ်နဲ့ပေါ့။ မူကြိုလုပ်တာနဲ့ မေ့မေ့လျော့လျော့ ရောဂါဟောင်းက ပြန်လို့အသက်ဝင်လာတယ်လေ။ အတွေးတွေနဲ့ပြွတ်သိပ်ခဲရ့တဲ့ ညနေခင်းလေးတစ်ခုပါပဲ။

“ရွာပါလားမိုးရယ်
ဒီလိုအချိန်လာလည်ကြည့်ပါလား
မျက်ဝန်းချိုလေး ရှာမတွေ့တောင်
ထီးလေးတော့ ဆောင်းချင်သေးတယ်
တခါတလေပေါ့။”

ဆက်လက်ဖတ်ရှုပေးပါနော်………။
ရေညှိတွေနဲ့လှေကားတစ်(၁) (သို့) မိုးရွာထဲကမျက်ဝန်းချို
ရေညှိတွေနဲ့လှေကားတစ်(၂) (သို့) အတွေးတချို့နှစ်ကခုန်မိခြင်း
ရေညှိတွေနဲ့လှေကားတစ်(၃) (သို့) ဘ၀တစ်ခု ပျိုးထောင်ခြင်း
ရေညှိတွေနဲ့လှေကားတစ်(၄) (သို့) အိပ်မက်တစ်ခုကောက်ရခြင်း
ရေညှိတွေနဲ့လှေကားတစ်(၅) (သို့) တည်ဆောက်ခဲ့တဲ့ ငြမ်းတစ်ခု
ရေညှိတွေနဲ့လှေကားတစ်(၆) (သို့) လှေကားထစ်တစ်ခုရဲ့လက်ခုပ်သံ

No comments: