အပေါင်ဆိုင်

ပုံမှန် ရွှေတိုးက ၄ ကျပ်ပါ။ အချိန်အခါကို လိုက်ပြီး အပြောင်းအလဲ ရှိပါတယ်။ (လောလောဆယ်တော့ ၃ ကျပ်တိုးဖြစ်နေပါတယ်။) လက်ရှိရွှေပေါက်ဈေးရဲ့ ၈၀% ကို ပေးပါတယ်။ ဘာကြောင့်လဲ ဆိုတော့ ၄ လ ဆို အပေါင်ဆုံးပါတယ်။ ဒါပေမယ့် ၄ လခွဲလောက်ထိ စောင့်တတ်ကြပါတယ်။ အတိုးကတော့ ၅ လတိုးပေါ့ တစ်လပို တစ်ရက်တိုး ဆိုသကိုး။ ၅ လတိုးပေးပြီး ရွေးရမယ့် သူတစ်ယောက်က ပြန်ရွေးပြီး သွားရောင်းရင်လည်း ဒီဈေးပဲ ရပါလိမ့်မယ်။ ဥပမာ ။ ။ ပေါက်ဈေးအရ ၁ သိန်းတန်တဲ့ ပစ္စည်းကို ၈ သောင်းပေးပါတယ်။ ၄ လကျော်သွားလို့ ၅ လတိုးနဲ့ လာရွေးဖို့ဆိုရင် လက်ရှိပေါက်ဈေး ၁ သိန်းထက်များနေရင် ဘယ်သူမှ ပြန်မရွေးချင်တော့ပါဘူး။ ဒါကြောင့် ၈၀% ဆိုပြီး အကြမ်းဖျင်း သတ်မှတ်ထားပါတယ်။ ဒါကို လူတွေ အမြင်က ဈေးနှိမ်တယ်လို့ ထင်ကြပါတယ်။ အမှန်က ဈေးနှိမ်တာ မဟုတ်ပါဘူး။ ပေါက်ဈေးအတိုင်း ပေးတာပါ။ တကယ်လို့များ ၅ လ ကျော်လို့ လာမရွေးပဲ ဆုံးပြီဆိုရင် အပေါင်ဆိုင် ဒုံးပြန်ရောင်းတာ ဖြစ်ဖြစ်၊ ကျိုပစ်တာ ဖြစ်ဖြစ် ပုံစံ တစ်မျိုးမျိုးနဲ့ ပြန်ရောင်းရပါတယ်။ ဘယ်လိုပဲရောင်းရောင်း အတိုးခပဲရတာပါ။ ဆုံးလို့ ပိုရတယ်ဆိုတာ မရှိပါဘူး။ ၁ သိန်းတန်ကို ၃ ၄ သောင်းလောက်နဲ့ ပေါင်တဲ့သူကလည်း ဘယ်တော့မှ အဆုံးမခံပါဘူး။

အဝတ်အထည်များ အတွက်ကတော့ ၁၀ တိုးပါ။ ပုဆိုး၊ ထမီ၊ ပုဆိုး+အင်္ကျီ၊ ထမီ+အင်္ကျီ၊ ပိတ်စ၊ ခြင်ထောင်၊ စောင် များကို အပေါက်အပြဲ မပါရင် လက်ခံပါတယ်။ အင်္ကျီ ပဲ သီးသန့်တော့ လက်ခံလေ့ မရှိပါဘူး။ နယ်ဘက် တောဘက်တွေမှာတော့ ရှိကောင်းရှိမှာပါ။ ရန်ကုန်မြို့ပေါ်မှာတော့ မရှိသလောက်ရှားပါတယ်။ တချို့ကျတော့လည်း ဖောက်သည်ထဲက တခါတလေ ယူလာတော့ အားနာပြီး လက်ခံလိုက်ရတာမျိုးလည်း ရှိတတ်ပါတယ်။ ပုဆိုး၊ ထမီ တစ်ထည်ကို လက်ရှိပေါက်ဈေးအရ အသစ်ဆိုရင် ၁၂၀၀-၁၅၀၀ လောက် ပေးကြပါတယ်။ အဟောင်းဆိုရင် ၅၀၀-၇၀၀ လောက်ပေးပါတယ်။

အဝတ်အထည်များ နည်းတူ ၁၀ တိုးနဲ့ လက်ခံရတာက အိမ်သုံးပစ္စည်းတွေပါ။ အထူးသဖြင့် ထမင့်ချိုင့်၊ ထီးနဲ့ ဒန်အိုးဒန်ခွက်တွေ အဓိကပေါ့။ မီးပူ၊ ပန်ကာ၊ ထမင်းပေါင်းအိုး၊ ရေနွေးအိုး စတာတွေနဲ့ တခြား အိမ်သုံးပစ္စည်းတချို့ကိုလည်း ရွှေသီးသန့် လက်ခံတဲ့ ဆိုင်တွေက လွဲရင် ဆိုင်တော်တော်များများက လက်ခံကြပါတယ်။ စက်ဘီးဆိုရင်တော့ ၁၅ ကျပ်တိုး အပြင် မှတ်ပုံတင်နဲ့ ပိုင်ဆိုင်ကြောင်း ရဲစခန်းထောက်ခံစာပါ လိုအပ်ပါတယ်။

အဝတ်အထည်နဲ့ အိမ်သုံးပစ္စည်းများကို လက်လုပ်လက်စား အခြေခံ လူတန်းစားအတွက် အဓိကထားပြီး ဝန်ဆောင်မှုပေးပါတယ်။ ပုဆိုးတစ်ထည် ထမီတစ်ခုပေါင်ပြီး ရလာတဲ့ ၅၀၀၊ ၁၀၀၀ လေးနဲ့ အရင်းပြုပြီး လုပ်ကိုင်စားသောက်ရတဲ့ ဘဝတွေ အတွက် အပေါင်ဆိုင် ဆိုတာ မရှိမဖြစ် အားထားရာတစ်ခုပါပဲ။ တခါတလေ စားစရာမရှိလို့ တချို့ကလည်း သောက်စရာမရှိလို့ လာပေါင်နှံသူများကိုလည်း ကိုယ့်ဖောက်သည်ပဲလေ ဆိုပြီး အပေါက်အပြဲများကို အရှုံးခံယူရတာမျိုးလည်းရှိပါတယ်။ ဒီလို အခြေခံလူတန်းစားများ ကလည်း နွေးနွေးထွေးထွေးပဲ ဆက်ဆံကြပါတယ်။ အပေါင်ဆိုင်ကို ဘူဇွာလို့ ထင်ကြတဲ့ အထဲမှာ ဒီလို အခြေခံလူတန်းစားတွေ သိပ်မတွေ့ရလှဘူး။

အပေါင်ဆိုင်ကို ဘူဇွာစာရင်းသွင်းသူကတော့ သူလိုကိုယ်လို မရှိမရှား လူလတ်တမ်းစားထဲက များပါတယ်။ မုဒိတာ မပွားနိုင်ကြတဲ့ ဒီလိုလူတွေထဲကပဲ အပေါင်ဆိုင်တွေရဲ့ အဓိက စိန်ခေါ်သူတွေ အဖြစ် မွေးဖွားလာပါတယ်။ ထပ်ထည်၊ ခံထည်၊ အုပ်ထည်တွေ အပြင် မျက်လှည့်၊ လက်လှည့် သဘောမျိုးနဲ့ ပစ္စည်းလဲတာမျိုးတွေ အပြင် တခြားတခြား နည်းလမ်းများစွာနဲ့ တိုက်ခိုက်လေ့ရှိပါတယ်။ နည်းလမ်းများကိုတော့ သူခိုးလမ်းပြ ဖြစ်မှာစိုးလို့ ချန်လှပ်ခဲ့ပါတယ်။ ဒီလို လူမျိုးတွေကို ကာကွယ်ဖို့ ဒစ်ဂျစ်တယ် ကင်မရာ တစ်လုံးလောက်ကိုလဲ ဆောင်ထားကြပါတယ်။ အတုလာပေါင်တာကို သိလိုက်တာနဲ့ လာပေါင်တဲ့သူကို ဓာတ်ပုံဖမ်းရိုက် ထားလိုက်တာပါပဲ။ ရဲလက်မအပ်ရင်တောင်မှ နောက်ဆို မလာရဲအောင် ဆိုင်ခွဲတွေကိုပါ ဓာတ်ပုံပေးထားကြပါတယ်။

တချို့သော ရက်စက်တဲ့ ဆိုင်များဆိုရင်တော့ အထဲကိုဝင်ပြီး စခန်းကို ဖုန်းဆက်ခေါ်ပြီး တခါတည်း ရဲလက်အပ်ပါတယ်။ ဒါကြောင့် သူများ ပစ္စည်းလိုက်ပေါင်ပေးတဲ့သူများ အနေနဲ့ ဒါမျိုးကိုလည်း သတိထားသင့်ပါတယ်။ ကိုယ့်ပစ္စည်းမဟုတ်ပေမယ့် အတုဖြစ်နေရင် အတုလာပေါင်သူရဲ့ တာဝန်ပါ။ တချို့ကျပြန်တော့လည်း ကိုယ့်သားသမီး၊ မောင်နှမထဲက ပိုင်ရှင်မသိအောင် ယူသုံးထားပြီး အတု အစားထည့်ထားတာကို မသိပဲ အတုလာပေါင်မိတာမျိုး ကြုံတတ်ပါတယ်။ ဒါပေမယ့် အပေါင်ဆိုင်ကို လိမ်ဖို့ လုပ်ထားတဲ့ အတုနဲ့ မိသားစု သို့မဟုတ် ပိုင်ရှင်ကို မသိရုံ လိမ်ဖို့လုပ်ထားတဲ့ အတုနဲ့ ကွာပါတယ်။ မိသားစု သို့မဟုတ် ပိုင်ရှင်ကို လိမ်ချင်ရုံ လုပ်ထားတဲ့ ရွှေထည်အတုက ရွှေရည်စိမ်ရုံ သက်သက် ဖြစ်ပြီး အပေါင်ဆိုင်ကို လိမ်ဖို့ စီစဉ်ထားတဲ့ ရွှေထည်အတုကတော့ ပန်းတိန်မှာ သီးသန့် လုပ်ထားတဲ့ ထပ်ထည်၊ ခံတည်၊ အုပ်ထည် တွေ အပြင် အခြားသော ပုံစံအမျိုးမျိုးနဲ့ပါ။ ဖြစ်နိုင်ရင်တော့ ကိုယ်ပိုင် ပစ္စည်းကို ကိုယ်တာယူလာတာ အကောင်းဆုံးပါပဲ။ မအားလို့ တဆင့်ခိုင်းလိုက်တာမျိုးဆိုရင်တော့ မတတ်နိုင်ဘူးပေါ့။ တစ်ခုရှိတာက အပေါင်ဆိုင်ထဲ ဝင်တာကို ရှက်စရာ တစ်ခုလို့ မြင်တတ်ကြတဲ့ ပတ်ဝန်းကျင်ကြောင့် အမျိုးမျိုးသော ရှုတ်ထွေးမှုတွေ ဖြစ်လာတတ်ပါတယ်။ အမှန်တော့ အပေါင်ဆိုင်ထဲ ဝင်တာ ရှက်စရာ မဟုတ်သလို၊ အပေါင်ဆိုင်ထဲ ဝင်တာကို လှောင်စရာ တစ်ခုအနေနဲ့ မမြင်သင့်ဘူးလို့ ထင်ပါတယ်။

အနီးတဝိုက်မှာ မီးရေးထင်းရေးဖြစ်ပြီ ဆိုရင်လည်း လူတွေက မီးငြှိမ်းဖို့ထက် ရွှေဆိုင်နဲ့ အပေါင်ဆိုင်ကို ဝင်လုဖို့လောက်ပဲ မျက်စေ့ ကျတာပါ။ ဒီအတွက်လည်း ယောက်ျားသား တစ်ယောက်လောက်တော့ ဆိုင်မှာ ထားတတ်ကြပါတယ်။ အရေးဟေ့ဆို အသုံးပြုဖို့ သံတုတ်ဖြစ်ဖြစ် ဝါးရင်းတုတ်ဖြစ်ဖြစ်ကို လွယ်ကူတဲ့ နေရာမှာ ဆောင်ထားလေ့ရှိပါတယ်။ ရွှေထည်နဲ့ ပိုက်ဆံထားတဲ့ အာမခံမီးခံသေတ္တာကိုလည်း နံပါတ်လှည့်လိုက်ရုံနဲ့ အလွယ်တကူ Lock ကျသွားနိုင်တာမျိုးကိုပဲ သုံးကြပါတယ်။ အပြင်လူ မသိနိုင်တဲ့ အခြားသော ကာကွယ်ရေး နည်းပညာတွေကိုလည်း ထားရှိထားတတ်ကြပါတယ်။

အဓိက ပြောချင်တာကတော့ လူတော်တော်များများ အကြွေးနဲ့ မကင်းပါဘူး။ ချမ်းသာ ဆင်းရဲ ငွေလိုတဲ့ အချိန်ဆိုတာလည်း ရှိစမြဲပါ။ ဆင်လည်း ဆင်တောင်၊ ဆိတ်လည်း ဆိတ်တောင် နဲ့တော့ လိုနေကြတာပါပဲ။ တစ်ခုရှိတာက မသိနားမလည်တဲ့သူတွေကို လိမ်ညာညှက်ချတဲ့ ၁ သိန်းတန်ကို ၁ သောင်းတန်တယ် ပြောပြီး မတန်တဆ အတိုးနှုန်းနဲ့ အတိုးလည်ပင်းနစ်အောင်လုပ် ကျွဲသိမ်း၊ နွားသိမ်း၊ သားသိမ်း၊ မယားသိမ်း တဲ့ အင်္ဂလိပ်ခေတ်က ချစ်တီး မဟုတ်ပါဘူး။ အပေါင်ဆိုင်ဆိုတာ ရွှေဆိုလည်း ရွှေပေါက်ဈေး၊ အထည်အဟောင်းဆိုလည်း အထည်အဟောင်းဈေး၊ အသစ်ဆိုလည်း အသစ်ဈေး နဲ့ သင့်တင့်လျောက်ပတ်တဲ့ အတိုးနှုန်းနဲ့ ပြည်သူတွေရဲ့ ချောင်လည်မှုအတွက် ဝန်ဆောင်မှု လုပ်ငန်း တစ်ခုလို့ မြင်စေချင်ပါတယ်။ ဒါဟာလည်း ဗုဒ္ဓ အဆုံးအမနဲ့ ညီကြောင်း ဆရာတော် သံဃာတော်တွေရဲ့ အဆုံးအမကြောင့် ကြားသိနားလည်ခွင့် ရဖူးပါတယ်။

အပေါင်ဆိုင်များအကြောင်း သိရသလောက် ရေးသားလိုက်ခြင်းပါ။ တချို့အကြောင်းအရာများကို သူခိုးလမ်းပြ ဖြစ်မည်စိုး၍ မဖော်ပြပဲ ထိန်ချန်ခဲ့သည်ကို နားလည်ပေးကြပါ။