စီးလေဦးဟဲ့ 854

ဒီနေ့ကျနော်အိပ်ယာထနောက်ကျပါတယ်။ ကမန်းကတန်းထရေမိုးချိုးပြီးအလုပ်ကိုထွက်လာခဲ့ပါတယ်။ နောက်ကျနေလို့လောလောလောလောနဲ့ နာရီတောင်ဝတ်မလာမိဘူး။ ကားဂိတ်ရောက်တော့ရုံးချိ်န်မို့တန်းစီသူတွေများနေသည်။ ၂စီးတွဲလာစေဦးတော့ နေရာရဖို့ကမကြိမ်းသေ။ ရှေ့မှာကလူ ၅၀လောက်တန်းစီနေတယ်လေ။ သတ်မှတ်ချိန်ကျော်လွန်နေသည်အထိ ကားကရောက်မလာသေး။ လူကများသထက်များလာပြီ။ ကျနော့ရှေ့က မလေးသူနှစ်ယောက်ပွစိပွစိနဲ့ ကားကိုဆဲနေလေရဲ့။ မလေးစကားနားမလည်ပေမယ့် သူတို့ဘာပြောလဲမှန်းလို့ရနေတာကိုး။

ကားလာတော့ ရုတ်ရုတ်ရုတ်ရုတ် ဖြစ်သွားတယ် ၂စီးတွဲမလို့တော်သေးတာပေါ့။ မတ်တပ်ရပ်ရဦး ချောင်ချောင်လည်လည်တော့ရှိတာပေါ့။ လူတစ်ယောက်စာသာရှိတဲ့ တန်းစီဖို့လုပ်ထားတဲ့ စတိန်းလက်စ်စတီးလ် ပိုက်လုံးတွေကိုဖြတ်လာပြီး ကားပေါ်တက်၊ လက်မှတ်ဖြတ်၊ နေရာလွတ်ရှာ ကံကောင်းချင်တော့ ပထမတွဲနောက်ဆုံးတန်း အရှေ့ကခုံမှာနေရာရလိုက်ပါတယ်။ နေရာရပေလို့ပေါ့။ ၁နာရီလောက်တောင်စီးရမှာ။

နေရာကျအောင်ထိုင်၊ ဖုန်းကိုထုတ်၊ နားကြပ်တပ်၊ သီချင်းနားထောင်ဖို့လုပ်တုန်း ဒရိုင်ဘာက တံခါးပိတ်ပြီးကားစထွက်ပါတယ်။ လေးငါးမှတ်တိုင်ရောက်တော့ ကားကတော်တော်လေး ကြပ်သွားပြီ။ အစတည်းကသိပ်မကောင်းတဲ့ Air-Con ကလူများတော့မနိုင်။ အပြင်လေကလည်းမ၀င်တော့ အထဲမှာလှောင်အိုက်အိုက်နဲ့ပေါ့။ ဒီအကြာင်းသိလို့ယူလာတဲ့ ရှူဆေးဘူးလေးကိုတောင်လက်နဲ့စမ်းမိသေးတယ်။ ဒီကြားထဲ ကျနော့ရှေ့ခုံကတရုတ်မနှစ်ယောက်ကလည်းပွစိပွစိနဲ့ အတင်းတုတ်နေလေရဲ့။ ကားကကြပ်ကြပ်၊ Air-Con ကမနိုင်တဲ့ကြားထဲ နားကပါပူတော့ပိုဆိုးတာပေါ့။

ဒရိုက်ဘာရဲ့လှုံ့ဆော်မှုနဲ့ မတ်တပ်ခရီးသည်တွေ နောက်ကိုနည်းနည်းစီတိုးလာပါတယ်။ ကြပ်ပါတယ်ဆိုတဲ့ကားကဆိုးသထဲ့ဆိုးလာပြီ။ ဆင်းတဲ့သူကတစ်ယောက်စနှစ်ယောက်စ၊ တက်လာရင် ၄-၅ ယောက်စီ။ နောက်ကိုလျှောက်လာတဲ့သူတွေထဲမှာမှ ကိုယ်စော်တော်တော်နံနေတဲ့ အသားမည်းမည်းလူတစ်ယောက် ကျနော့နားကိုရောက်လာပါတယ်။ အသက်ကိုမရှူတချက်၊ ရှူတစ်ချက်နဲ့လုပ်နေရတာ မောင်မင်းကြီးသားက နောက် ၃မှတ်တိုင်လောက်ရောက်တော့ဆင်းသွားလေရဲ့။ အခုမှပဲအသက်၀၀ ရှူရတော့တယ်။ မျက်စိရှေ့က အဖြူတစ်ယောက်ကလည်း ချွေးတသုတ်သုတ်၊ သတ်ပြင်းတချချနဲ့။ ဒီလိုလူကြပ်ကြပ်မှာ လက်ထဲကPSP ကိုရအောင်ဆော့နေတဲ့ ITE ကျောင်းသားလေးကိုတောင် စိတ်ထဲကကြိတ်ပြီးချီးကျူးမိသေးတယ်။

တော်တော်လေးကြာတော့ အသက် ၃၀ ၀န်းကျင် ဆံပင်တိုတို၊ အရပ်ပုပု ယောကျာင်္လျှာပုံစံ မိန်းမတစ်ယောက်တတ်လာတယ်။ လက်ထဲမှာလဲ တစ်ပေသာသာလည်သာပတ်ထားတဲ့ စက်ကလေးတစ်ခုနဲ့ ကားပေါ်ကလူတွေဆီက ez.link ကတ်ပြားလေးတောင်းတောင်းပြီး သူ့စက်လေးနဲ့တို့တို့ကြည့်တယ်။ သြော်....ဒါ အစ်ကိုပြောပြောနေတဲ့ လက်မှတ်စစ်ဆိုတာပဲ။ သူကကတ်တွေစစ်ရင်း ခရီးသည်တွေကိုလည်း နောက်ထပ်ဆုတ်ပေးဖို့ပြောရင်းနဲ့ပဲ သူကိုယ်တိုင်ကကားနောက်ပိုင်းကို တဖြည်းဖြည်းရောက်လာပါတယ်။ သူကြည့်ရတာရန်ကုန်က စပယ်ယာတွေဆီမှာ ၃နှစ် ၃မိုး ပညာသင်လာခဲ့ပုံပဲလို့တောင် တွေးပြီးပြုံးမိသေးတယ်။ ဒီမှာလည်း ဒီလိုမျိုးရှိသေးပါလားဆိုတာမယုံမရှိနဲ့ (ကိုယ်တွေ့၊ကိုယ်တွေ့)။ ကျနော့နားရောက်တော့ ခရီးသည်တွေကိုနောက်ထပ်ဆုတ်ပေးဖို့ထပ်ပြောပါတယ်။
ဲ့အဲဒီအချိန်မှာ ခုနကချွေးတသုတ်သုတ်နဲ့ လူဖြူက...
"ဘယ်ကိုထပ်တိုးရဦးမှာလဲ၊ဒီလောက်ကြပ်နေတာ။"
လက်မှတ်စစ်...
"နည်းနည်းလောက်ပါပဲ၊ရပါသေးတယ်။" (တစောင်းလေးတိုးသွားပေါ့။ဒါကတော့ရွာကစပယ်ယာတွေစကားပေါ့လေ)
လူဖြူ...
"မင်းတို့စင်္ကာပူရဲ့ဘတ်စ်ကားစနစ် အရမ်းကိုစိတ်ပျက်ဖို့ကောင်တယ်။"
လက်မှတ်စစ်...
"ကြားထဲမှာကားတစ်စီးပျက်သွားလို့ပါ။"
လူဖြူ...
"ပျက်...ပျက်။ နေ့တိုင်းပဲပျက်နေ။" ဆိုပြီသက်ပြင်းတချချနဲ့ပေါ့။ အားလုံးကလည်းကွက်ကျိကွက်ကျိနဲ့။

ကျနော့အလှည့်ရောက်တော့ကတ်ပြားထုတ် စစ်ဆေးပြီးဘေးကတရုတ်မကိုစစ်တော့စက်က လက်မှတ်မဖြတ်လာဘူးလို့ပြနေပါတယ်။ သူ့ကိုပြောတော့ သူက ဖြတ်လာတယ်လို့ အကြောက်အကန်ငြင်းပါတယ်။ သူတကယ်ဖြတ်မလာတာလည်းဖြစ်နိုင်သလို စက်ရဲ့errorလည်းဖြစ်နိုင်တယ်လေ။ တခါတခါ စက်တွေကလည်းပျက်နေတတ်တယ်လေ။ ဒီလိုနဲ့ လက်မှတ်စစ်နဲ့ကျနော့ဘေးကတရုတ်မတို့ ဖိုက်တင်တွေပလေးကြပြီ။ အဖြူကောင် complain တတ်တာတောင် ကွက်ကျိကွက်ကျိ ပရိတ်သတ်နဲ့ဆိုတော့ စဉ်းစားသာကြည့်ပါတော့။ ကျနော့အလုပ်နားက မှတ်တိုင်ရောက်သည့်တိုင်မပြီးသေး။ ကျနော်လည်း "တဆိတ်လောက်"ဆိုပြီး ကားပေါ်ကဆင်းခဲ့ပါတယ်။ ပွဲကိုဆက်ကြည့်ချင်ပေမယ့် အစတည်းက နောက်ကျချင်သလိုလိုဖြစ်နေတဲ့ အလုပ်ကိုငဲ့ပြီး အလုပ်ကိုထွက်ခဲ့ပါတယ်။

သြော်.........စင်္ကာပူက 854 လည်း ရွာက ၃၉ နဲ့ သိပ်မကွာပါလားလို့မှတ်ချက်ချမိပါတော့တယ်။

စာကြွင်း။ ။ တခါတလေဆို ဖုန်းခါးပိုက်နှိုက်ရှိလို့ ဖုန်းကိုလည်းသတိထားရပါသေးတယ်။

မှတ်ချက်။ ။ 854 ရဲ့နေ့စဉ်ဒုက္ခလေးပါ။ ထိုင်ခုံမရတဲ့နေ့ဆိုရင်တော့........။