ဖြစ်လိုက်ပုံများ

ကျနော်စီးလာတဲ့လေယာဉ် လေယာဉ်ကွင်းကို ဆင်းလာပြီဆိုရင်ပဲ ရင်ထဲမှာတလှပ်လှပ်နဲ့ပေါ့။ အစ်ကိုကမှာထားတာတွေခေါင်းထဲသေချာစာစီပြီး အင်မီခရေးရှင်းဖြတ်တော့ ဘာမှလဲထွေထွေထူးထူးမမေးဘူး။ ဘယ်လောက်နေမှာလဲ။ ဘယ်သူဆီလာတာလဲ။ ဒါနဲ့တင်ပြီးသွားတယ်။ ဒီကတော့စိတ်ပူလိုက်ရတာ။ အဲဒီကအထွက် တာမင်နယ်တူး ဆိုလားဘဲ အဲဒီဘက်ကိုထွက်လာခဲ့ပါတယ်။ အပြင်မထွက်ခင် ချိဗက်နဲ့ တိုင်းဂါးဘီယာဝယ်ဆိုလို့ ၀င်ဝယ်ရသေးတယ်။ ဆိုင်ကထွက်တော့စင်းဒေါ်လာကို ကိုင်ဖူးသွားပြီ။ အစ်ကိုကလဲ ကိုယ့်ဟာကိုယ်အပြင်မှာဝယ်လဲရနေတာပဲကို လို့စိတ်ထဲတွေးမိသေးတယ်။

ဒီလိုနဲ့ပဲ....စင်ကာပူဆိုတဲ့မြို့ကြီးကိုခြေချမိပါပြီ။ စိတ်ထဲမှာတော့ ၀မ်းသာမှု၊ တတ်ကြွမှု၊ ပျော်ရွှင်မှုတွေအပြည့်နဲ့ပေါ့။ ဒီလိုနဲ့ အစ်ကိုနဲ့အတူနေရမယ့်အိမ်ကိုတက္ကစီငှားပြီးသွားပါတယ်။ ရန်ကုန်မှာတော့ ကက ပေါ့ဗျာ။ ကကနဲ့ကွာတာက သူမှာAir-con ပါတယ်ဗျ။ ပါတာမှအေးနေတာပဲ။ နောက်တစ်ခုကခါးပတ်လည်းပတ်ရသေးတယ်။ အဲဒါမပတ်ရင် ၂၅၀ ဆိုလားပဲ။ လမ်းတလျှောက် အစ်ကိုနဲ့စကားပြောရင်း ဟိုကြည့်ဒီကြည့်နဲ့ အချိန်ဘယ်လောက်ကြာသွားမှန်းတောင်မသိပါဘူး။ အိမ်ရောက်ပြီတဲ့။ တက္ကစီခရှင်းတော့ ကျနော့မျက်လုံးကလေးတွေဝိုင်းသွားတယ်ဗျ။ ၂၇ဒေါ်လာတဲ့။ အာယိုးယိုး......မြန်မာငွေနဲ့တွက်ရင် ၂၃၀၀၀လောက်ကျတယ်။ ၀ူး.....မလွယ်ပါလား။ Air-con လေးနဲ့ငြိမ့်လာတာအဟုတ်မှတ်နေတာ။

ရေမိုးချိုးအ၀တ်အစားလဲပြီးနာရီကြည့်တော့ ၂း၃၀ ရှိနေပြီ။ အစ်ကို ၄နာရီတောင်ထိုးနေပြီအပြင်သွားမယ် ဆိုတော့မှ နာရီမပြောင်းရသေးမှန်းသတိရတယ်။ အစ်ကိုက MRT စီးနည်း၊ Bus စီးနည်းတွေသင်ပေးရင်နဲ့ သူပြောတဲ့ ရွှေပလာဇာဆိုတာကိုရောက်လာတယ်။ သြော်......ရွှေပလာဇာဆိုလို့ဘာရွှေတွေများရောင်းလဲမှတ်တယ် ရွှေမြန်မာတွေစုဝေးရာကိုး.....။
ထမင်းစားသောက်လိုအပ်တာလေးဘာလေးဝယ်ပြီး မိုးချုပ်လို့အိမ်ပြန်ခဲ့ပါပြီ။

အိမ်ရောက်တော့ အစ်ကိုကအသင့်ဝယ်ပေးထားတဲ့ သတင်းစာတွေနဲ့အလုပ်ရှာဖို့ စလုပ်ရပါတယ်။ ဒီနေရာမှာရှိသေးတယ်။ ရက်စွန်းဆိုတာနဲ့ကာဘာလက်တာဆိုတာလေ။ အစ်ကိုကဒီလိုလုပ်၊ ဟိုလိုမလုပ်နဲ့ဆိုတာနဲ့ပဲ သူပြောသလိုပြင်ဆင်ပြီး လုပ်ငန်းစပါတော့တယ်။ သတင်းစာကလည်းများလိုက်တာ။ ရှုပ်နေတာပဲ။ သူပြောတော့တစ်စောင်တည်းတဲ့။(တစ်စောင်ဝယ်ရင် ၅စောင်လောက်ရလာနောက်မှသိရတယ်)။ သတင်းစာထဲကကိုယ်နဲ့သင့်တော်သမျှအလုပ်တွေ သိမ်းကျူံးပြီးလျှောက်၊ အွန်လိုင်းကနေလည်းလျှောက်၊ တစ်ဖက်ကလည်းရန်းကုန်ကသူငယ်ချင်းတွေကို အဆင်ပြေပြေ၊ချောချောမွေ့မွေ့ရောက်ကြောင်း ဘာတွေဘယ်လိုကွာခြားကြောင်းပြောနေလိုက်တာ နာရီလက်တံနှစ်ချောင်းလုံး အပေါ်တည့်တည့်ထောင်တဲ့အထိပါပဲ။ တနေကုန်ခရီးကပန်းလာတာတောင် အိပ်ချင်စိတ်မရှိဘူး။ တတ်ကြွတဲ့စိတ်တွေများနေလို့လားတော့မသိ။

တစ်ညလုံးအိပ်မပျော်ဘဲမိုးလင်းသွားလေပြီ။ ဒီလိုညတွေကမထူးဆန်းတော့ပေမယ့် မတူဘူးလေ။ ဒါကဘ၀ရဲ့ပထမခြေလှမ်းလေ။ အမေ့ကိုနှစ်ပေါင်းနှစ်ဆယ်ကျော် ဒုက္ခပေးခဲ့သမျှ ကျေးဇူးဆပ်မယ်ပေါ့။ ဘယ်လိုကြိုးစားမယ်၊ုဘယ်လိုရုန်းကန်မယ်၊ ဒေါ်လာတွေအများကြီးရှာပြီး အမေ့ကိုပို့မယ်ပေါ့လေ။

ဒီလိုနဲ့ပဲ၁၀ရက်လောက်နေတော့ အင်တာဗျူးစရပါတယ်။ ပထမဆုံးဆိုတော့ သူစကားကိုကောင်းကောင်းမဖမ်းနိုင်ခဲ့ဘူး။
ဘာတွေပြောမှန်းကိုမသိတာ။ ကိုယ်ကပဲညံ့နေလို့်လားမသိ။ ဒီလိုနဲ့ တစ်ခုကနေနှစ်ခု၊ နှစ်ခုကနေသုံးခု ပေါ့လေ။ တဖြည်းဖြည်းတော့ အထာပေါက်သလိုရှိလာပါပြီ။ ဗီဇာသတ်တမ်းကလဲတစ်လပြည့်လို့ အွန်လိုင်းကနေနောက်ထက်တစ်လထက်တိုးလိုက်ရပြီ။
တစ်လကျော်နေပြီဆိုတော့ ပိုပြီးကြိုးစားဖို့လိုလာပြီပေါ့။ အခုထိ အင်တာဗျူးက ငါးခုပဲရသေးတယ်။ ကိုယ်ကိုကိုယ်တော့ယုံကြည်ချက်အပြည့်ရှိနေဆဲပါ။ ဗီဇာပြည့်တော့လဲဘာဖြစ်လဲ ကျောင်းတစ်ခုခုအပ်ပြီးအလုပ်ဆက်ရှာမယ်ပေါ့။

တစ်လနဲ့ ၁၇ ရက်လောက်နေတော့ အစ်ကိုက အေးဂျင့်အပ်သင့်ပြီဆိုလို့အေးဂျင့်အပ်ပါတယ်။ အေးဂျင့်ကိုစရံငွေအဖြစ် ၁၀၀၀ ပေးထားရပါတယ်။ အင်တာဗျူးရလို့အောင်တာနဲ့ စရံငွေကိုပြန်မအမ်းပါလို့ပြောပါတယ်။ ဒီလိုနဲ့ပဲ နောက်တစ်ပတ်လောက်ကြာတော့ အေးဂျင့်ဆီကတဆင့် အင်တာဗျူးရသွားပြီး အဲဒီ့မှာပဲ အောင်သွားပါတယ်။ ဒါပေမယ့်သူက လခကို၁၂၀၀ပဲပေးမယ် လို့ ပြောပါတယ်။ ဘယ်တတ်နိုင်ပါ့မလဲ။ ဗီဇာသတ်တမ်းကလဲကုန်တော့မယ်။ ပါလာတဲ့ငွေကလဲကုန်လုနီးနီး။ အမေ့ဆီလည်းထပ်ပြီးမတောင်းချင်တော့ဘူး။ ဖွတ်မရ၊ဓားမဆုံး တော့အဖြစ်မခံနိုင်တော့ဘူး။ ငါးမရရေချိုးပြန်မယ်ဆိုပြီးလက်ခံခဲ့ပါတယ်။
အင်တာဗျူးအောင်တော့ အက်စ်-ပတ်စ်ဖောင်တင်ပြီး အက်-ပတ်စ်အကျကိုစောင့်နေပါတယ်။

သုံးရက်လောက်ကြာတော့ အက်စ်-ပက်စ်ကသင်းကြားရပါတယ်။ ကျနော်မျှော်လင့်တဲ့အဖြေတော့မဟုတ်ဘူး။ ရီဂျတ် တဲ့လေ။ ကျနော်မျက်လုံးတွေတောင်ပြာသွားတယ်။ ဘာတွေများရီဂျတ်ထိစရာရှိပါလိမ့်လို့ စဉ်းစားမရအောင်ဖြစ်နေခဲ့တယ်။ သေချာစုံစမ်းကြည့်တော့မှ ပြဿနာက လခ ၁၂၀၀ ကစတာပဲ။ ကုမ္ပဏီက ကျနော်ကိုပေးမယ့်လခကို ၁၂၀၀ နဲ့ အက်စ်-ပက်စ်တင်လိုက်သတဲ့လေ။ စင်ကာပူရဲ့ဥပဒေအရ လခ ၁၈၀၀ကျော်မှ အက်စ်ပက်စ်ကလျှောက်လို့ရတယ်ဆိုတာသိလိုက်ရပြီ။ အဲဒါမှကွိုင်ပဲ။ ကုမ္ပဏီကို အပီးရ်လက်တာ တင်ဖို့ပြန်အသွားမှဒုက္ခကစရောက်တော့တာပဲ။ ကုမ္ပဏီကပြန်တင်မပေးဘူးတဲ့လေ။ အလုပ်ရှုပ်လို့တဲ့။ ဒါကတော့သူတို့အပြောပေါ့။ နောက်တစ်ယောက်ပဲခန့်လိုက်တော့မယ်ဆိုတဲ့သဘောပေါ့။ ဘာကြောင့်လဲတော့မစဉ်းစားတတ်တော့ပါဘူး။
ဒါမျိုးလုပ်လို့ရသလား။ ရတာပေါ့သူတို့နိုင်ငံကိုး။ ကိုယ်ကတောင်းတောင်းပန်ပန်နဲ့ပြောတာတောင်မှ သူတို့ကလက်မခံခဲ့ဘူး။ ခက်ပြီ။
၃၊၄ရက်အတွင်းတခြားအလုပ်တစ်ခုရဖို့ကလဲ မလွယ်။ အေးဂျင့်ကိုပေးထားတဲ့ စရံကလည်းပြန်မအမ်း။ နောက်ဆုံးကျည်ဆံဖြစ်တဲ့ ကျောင်းအပ်ဖို့ကိစ္စ စတင်ရပါပြီ။ အသင့်စုံစမ်းပြီးဖြစ်တဲ့ ကျောင်းကိုပြေးရပါတယ်။ ကျောင်းရောက်တော့မှ ကျနော့မျှော်လင့်ချက်တွေပျောက်ဆုံးလုမတတ်ဖြစ်ခဲ့ရပြီဆိုတာသိလိုက်ရတယ်။ အက်စ်-ပတ်စ် ရီဂျတ်ကကျောင်းအပ်လည်း ရီဂျတ်ပဲတဲ့လေ။ တင်ပေးလို့တော့ရပါတယ်...တဲ့။ တင်ပေးလည်းရီဂျတ်ကသေချာသလောက်ပဲတဲ့လေ။ အခုတော့ဖွတ်မရဓားမတင်မကဘူး ဘာမှကိုမကျန်တော့တာ။ အရှုံးဆိုတာဘယ်လိုခါးသီးတယ်ဆိုတာကျွန်တော်သိလိုက်ရပြီလေ။
တစစီပျော်ကျပျက်စီးသွားတဲ့မျှော်လင့်ချက်တွေကိုလည်းပြန်မကောက်နိုင်တော့ပါဘူး။

ကဲပါအမေရယ်........ကြိုးကြာငှက်လေးပျံလို့ဝလို့ အိပ်တန်းဝင်တယ်ပဲသဘောထားလိုက်ပါပြီ။ အမေ့ရွာကဆေးလိပ်ခုံလေးကိုပဲ ဦးစီးပြီး ဘ၀ဆိုတာကို နောက်တစ်ခေါက်အရှိန်ယူပါရစေဦး...............။