ရင်ခွင်နွေး၌ ခိုလုံခြင်း (၂)

ရင်ခွင်နွေး၌ ခိုလုံခြင်း (၁) မှ....

ဖေဖော်ဝါရီ ၆ ရက်၊ ကျနော်ဆိုတဲ့ ခပ်ဆိုးဆိုး သားတစ်ယောက်ကို အသက်နဲ့ရင်းပြီးမွေး၊ ဒုက္ခနဲ့ရင်းပြီးကျွေး၊ နှလုံးသားနဲ့ရင်းပြီးချစ်၊ ဘဝအတွေ့အကြုံတွေရင်းပြီး သွန်သင်ခဲ့တဲ့ အမေ့မွေးနေ့။ ဘယ်သူမှတော့ ထွေထွေထူးထူးမပါပါဘူး။ မိသားစုဝင် လေးယောက်ရယ်၊ ကျနော့ချစ်သူရယ် ပေါ့။ အမေ့မွေးနေ့အမီပြန်မလာနိုင်တဲ့ အစ်ကို့ကိုတော့ ဖုန်းခေါ်ပြီး တစ်ယောက်တစ်လှည့် ပြောဖြစ်ကြတာပေါ့။ ဆံပင်တွေဖြူ၊ အရေပြားတွေတွန့်လို့ အပြုံးကတော့ လှပနေဆဲ၊ အားအင်တွေပေးနေဆဲ။ ည ၇ နာရီ ကိုးရီးယားကားလာတော့ အမေ့ပေါင်လေး ခေါင်းအုန်းပြီး ကြည့်ဖြစ်သေးတယ်။ မနက်ဖြန်ဟင်းချက်ဖို့ ကြက်သွန်ဖြူလည်း ကူခွာပေးသေးတယ်။ ဟိုတစ်ချိန်က ဓားရှခဲ့ဖူးပေမယ့် အခုတော့ တော်တော့ကို ကျွမ်းကျင်နေပြီလေ။ တမြေတခြားမှာ အမေသင်ပေးထားတဲ့ ပညာလေးတွေနဲ့ ဘဝကို စိန်ခေါ်နေခဲ့တာကိုး။

နောက်သုံးရက်ကတော့ သူငယ်ချင်းတွေနဲ့တွေ့ရ လူကြုံပစ္စည်းပေးရနဲ့ ကုန်ဆုံးသွားပါတယ်။ ကြားထဲမှာ ချစ်သူနဲ့ အင်းယားကန်ဘောင်မှာ လေညှင်းသွားခံတာ၊ DotA လေးပြေးဆော့၊ လက်ဘက်ရည်ဆိုင်လေး ပြေးထိုင်တာတော့ ပါတာပေါ့လေ။ လမ်းထိပ်လက်ဘက်ရည်ဆိုင်က ကျဆိမ့်ကတော့ အရသာမပြောင်းသေး တစ်နှစ်ကျော် မဆော့ဖြစ်တဲ့ DotAကတော့ အလွဲလွဲအချော်ချော်။ လိုင်ကားတွေကတော့ ကြပ်နေမြဲ။ Air-Con Bus တွေများလာတာကလွဲရင် သိပ်မထူးခြား။ တချိန်က အုန်နာစပယ်ယာလုပ်ခဲ့ဖူးတဲ့ လှိုင်သာယာ-သီရိမင်္ဂလာဈေးကားလမ်းက ချိုင်တွေ ရှိနေဆဲ။ ခြေရာတွေထပ်ခဲ့တဲ့ ကားပွဲစားတန်းကလည်း လူတွေတိုးဝှေ့နေဆဲ။ ညဘက် ဘီယာဆိုင်တွေလည်း စည်ကားနေဆဲ။ အားလုံးဟာ ဟန်ချက်ညီညီ မပြောင်းလဲသလောက် လှုပ်ရှားနေကြဆဲပါ။

၁၀ ရက်နေ့က တရုတ်နှစ်သစ်ကူးနေ့လေ။ ရိုးရာမပျက်လေးတော့ လုပ်ဖြစ်ပါတယ်။ တကယ်တန်းပြောရရင် ကျနော်တို့ မိသားစုကိုးကွယ်ရာ ထေရဝါဒ သာသနာတော်နဲ့ဆိုရင်တော့ လမ်းကြောင်းနည်းနည်း လွဲနေတာပေါ့လေ။ တရုတ်ရိုးရာနဲ့ပတ်သတ်လို့ နှစ်ကူးတစ်ခါပဲ လုပ်ဖြစ်တာပါ။ တစ်နှစ်မှာတစ်ခါတည်းပါ။ အခြားတရုတ်ရိုးရာပွဲတော်တွေ တော့မလုပ်ဖြစ်ဖူးလေ။ နှစ်ကူးတောင် အမျိုးတွေကြားထဲ မကောင်းတတ်လို့လုပ်ရတာလေ။ တစ်နေလုံး စားကြသောက်ကြ၊ အမျိုးတွေလာကြ သွားကြနဲ့ပေါ့။

နောက်တစ်ရက် နှစ်ဆန်းတစ်ရက်နေ့ ကြတော့ မန္တလေးကရောက်နေတဲ့ ကြီးဒေါ်နဲ့ သူ့မြေးတွေနဲ့အတူ ကစားကွင်းတွေ တိရိစ္ဆာန်ရုံတွေ သွားဖြစ်ခဲ့ပါတယ်။ တူလေးတွေ တူမလေးတွေကြည့်ရတာ ပျော်လို့။ ကလေးသဘာဝ ဘာမှမသိ ရှင်းလင်းနေကြတဲ့စိတ်ကလေးတွေနဲ့ လွတ်လွတ်လပ်လပ် ကစားနေလိုက်ကြတာ။ အဲဒီဘဝလေး ပြန်တောင်ရောက်ချင်တယ်။ ငွေနောက်တကောက်ကောက်၊ ရည်မှန်းချက်တွေနောက် တကောက်ကောက် ဒီလိုနဲ့ပဲ ကိုအငဲပြောသလို လိုက်ရင်းပြေးရင်း ဖိနပ်လည်း ပါးလုပြီလေ။

ညနေကစားကွင်းကပြန်တော့ ဘဝဆိုတာကြီးကို လေးလေးနက်နက်ကြီး စဉ်းစားမိခဲ့တယ်။ အဖြေဆိုတာတော့မရခဲ့ပါဘူး။ ဒီလိုနဲ့ပဲ နေ့တစ်နေ့ကုန်ဆုံးခဲ့ပြန်ပြီလေ။ ပြန်ရောက်လို့ တစ်ပတ်ပြည့်သွားခဲ့ပြီပေါ့။

ဆက်လက်ဖတ်ရှုပေးပါနော်......။

ရင်ခွင်နွေး၌ ခိုလုံခြင်း (၁)
ရင်ခွင်နွေး၌ ခိုလုံခြင်း (၂)
ရင်ခွင်နွေး၌ ခိုလုံခြင်း (၃)
ရင်ခွင်နွေး၌ ခိုလုံခြင်း (၄)

ရင်ခွင်နွေး၌ ခိုလုံခြင်း (၁)

ရန်ကုန်လေဆိပ် Immigration ကို ဖြတ်ခဲ့ပြီ။ ခွင့်လေး ၂ ပတ်လောက်ရတုန်း အပြးအလွှား ပြန်လာရတာ။ တရုတ်နှစ်ကူးနဲ့ weekends နဲ့ပေါင်းရင်တော့ ရက် ၂၀ လောက်ရတာပေါ့လေ။ ကျနော် ချစ်တဲ့ အမိမြေကိုခြေချပြီး ပထမဆုံးတောင့်တမိတာက တစ်နှစ်ကျော် ဝေးကွာနေတဲ့ အမေ့မျက်နှာ၊ အမေ့လက်ရာ။ ဟော… တွေ့ပြီ လည်တဆန့်ဆန့်နဲ့ မျှော်နေလေရဲ့။ ကျနော့ကို မြင်တော့ အပြုံးတွေဝေလို့။ လောကမှာ ကျနော် တန်ဖိုးအထားဆုံးဖြစ်တဲ့ အမေ့အပြုံးနဲ့ ရန်ကုန်မြို့ကို ခြေချလိုက်ပါပြီ။ လေယာဉ်ကွင်းကအထွက် ညီလေးမောင်းတဲ့ Mart-II ကို Air-Con မဖွင့်လို့ ပြောရသေးတယ်။ မနေတတ်တော့တာလေ။ အိမ်တန်းမပြန်သေးပဲ ဆိုင်မှာ အလုပ်ရှုပ်နေတဲ့ အဖေနဲ့အတူ လွမ်းလှပြီဖြစ်တဲ့ အမေ့ နေ့လည်စာနွေးနွေးကို စားဖြစ်ခဲ့ပါတယ်။

ဟင်းတွေကလည်း စုံလို့။ ကျနော် အကြိုက်ဆုံး ငါးကြီးဆီပြန် (ဟိုက ပင်လယ်ငါးတွေနဲ့များ ကွာပါ့)၊ သုံးထပ်သားနှပ်၊ အလယ်မှာက မုန်လာဥနဲ့ ကန်စွန်းရွက်ညို ချဉ်ရည်ဟင်း၊ ပန်းကန်သေးသေးလေးထဲမှာက ငရုတ်သီးမှုန့်ဝေ့နေတဲ့ ငါးပိရည်၊ အရွက်စိမ်းစိမ်းစုံစုံနဲ့ သခွားသီးပါတဲ့ ပန်းကန်ပြားက သူ့ဘေးမှာ၊ ကန်စွန်းရွက်ကို ငရုတ်သီးစိမ်း ဓားပြားရိုက်နဲ့ ခပ်စပ်စပ်လည်း ကြော်ထားသေးတယ်။ နေ့လည်စာစားပြီး ခဏနေတော့ အိမ်ပြန်ပါတယ်။ လမ်းမှာ ရွှေတိဂုံဘုရားကို ပြည်လမ်းကနေ လှမ်းပြီးဖူးခဲ့သေးတယ်။

ညနေစောင်းတော့ အမေနဲ့ နှစ်ယောက်သား ဘုရားကို ကျကျနနတက်ဖူး ဖြစ်တယ်။ ရွှေပိဿာချိန်ပေါင်း မြောက်မြားစွာကို ဖြတ်တိုက်လာတဲ့လေဟာ အသက်ရှူလမ်းကြောင်းကတဆင့် နှလုံးသားထဲကို ငြိမ့်ခနဲ စီးဆင်းသွားပါတယ်။ အဲဒီလေနဲ့အတူ အသိတစ်ခုပေါ်လာလေရဲ့ “သုံးလောကထွက်ထား ဗုဒ္ဓရှင်တော်မြတ်ဘုရားရဲ့ အဆုံးအမတွေကို နှစ်ပေါင်းတစ်ထောင့် ငါးရာကျော် မပျက်မစီး ထိန်းသိမ်းစောင့်ရှောက်ခဲ့တဲ့ ဒေသတစ်ခု”၊ “အမေနဲ့ ငါ နှစ်ယောက်ပိုင်တဲ့ ချက်ကြိုးကို ‘ဒါငါ့နိုင်ငံ၊ ငါ့တိုင်းပြည် ဟေ့’ လို့ ဂုဏ်ယူဝံ့ကြွားစွာပြောနိုင်ဖို့ မဟာပထဝီမြေကြီးမှာ သက်သေပြုမြှုပ်နှံခဲ့ရာ ဒေသ”။ ဒီမြေမှာမွေး၊ ဒီရေသောက်ပြီး ကြီးလာတဲ့ကျနော့အတွက် ဘယ်တိုင်းပြည်၊ ဘယ်နိုင်ငံတွေ ဘယ်လောက်ကောင်းကောင်းပါ။ သာသနာတော်တွင်း၊ တစ်မျိုးပြောရရင် ရပ်ပြစ်(၈)ပါးလွတ်ရာ ဒီနိုင်ငံမှာ လူလာဖြစ်ရတာကိုးက အားရကျေနပ်ဖို့ ကောင်းနေပြီ။

တစ်ညနေလုံး ဘုရားအရိပ် မှာခိုလုံလို့ ညနေ ၉နာရီခွဲလို့ ဘုရားပိတ်မှပဲ ပြန်ဖြစ်ခဲ့တယ်လေ။ အဲဒီနေ့က ဖေဖော်ဝါရီလ ၅ ရက်နေ့ မနက်ဖြန်ဆို အမေ့အသက် ၆၀ ပြည့်ပြီ။ မနက်ဖြန် အမေ့မွေးနေ့ ထပ်လာဦးမယ်။ တစ်နှစ်ကျော်ကျော် ဝေးကွာခဲ့ရတဲ့ ရွှေတိဂုံရင်ပြင်တော်ကြီးက မပြောင်းမလဲ ငြိမ်းချမ်းနေဆဲလေ။

ဆက်လက်ဖတ်ရှုပေးပါနော်......။

ရင်ခွင်နွေး၌ ခိုလုံခြင်း (၁)
ရင်ခွင်နွေး၌ ခိုလုံခြင်း (၂)
ရင်ခွင်နွေး၌ ခိုလုံခြင်း (၃)
ရင်ခွင်နွေး၌ ခိုလုံခြင်း (၄)

တခါတခါ

တခါတခါ လိမ်နေမှန်းသိရက်နဲ့ မသိပါဘူးဆိုပြီး ပြန်လိမ်ပေးခဲ့ဖူးတယ်။
တခါတခါ မချစ်မှန်းသိရက်နဲ့ အားနာပါးနား ချစ်ပြခဲ့ဖူးတယ်။
တခါတခါ မချမ်းပေမယ့် ခပ်နွမ်းနွမ်းလေး ဖက်ပေးခဲ့ဖူးတယ်။
တခါတခါ ဇာတ်လမ်းထွင်ပြီး ပုံပြောခဲ့ဖူးတယ်။
တခါတခါ စိတ်ဆိုးသလိုနဲ့ တိတ်တခိုးရယ်ခဲ့ဖူးတယ်။
တခါတခါ Busy ဆိုပြီး Chatting ထိုင်ခဲ့ဖူးတယ်။
တခါတခါ အိပ်ချင်ယောင်ဆောင်ပြီး Post ရေးနေခဲ့ဖူးတယ်။
တခါတခါ မနိုးဘူးဆိုပြီး ဂိမ်းဆော့နေဖူးတယ်။
တခါတခါ ဘတ္ထရီမရှိဘူးဆိုပြီး ဖုန်းပိတ်ခဲ့ဖူးတယ်။
တခါတခါ …….. ဆိုပြီး………………..။

ဗီလိန်

သေမင်းနှင့် စီးချင်းထိုးခြင်း (၃)

ဒီတစ်ခါ အသံတိတ် တိုက်ပွဲဗျ။ သူကလည်း ကျနော့ကို အသံတိတ်၊ ကျနော်ကလည်း သူ့ကိုအသံတိတ် အသေအကြေကို ဖိုက်ခဲ့ရတာ။ နောက်ဆုံးတော့ ကျနော်ပဲနိုင်သွားတယ် ဆိုပါတော့။ ဟဲဟဲ ဘယ်ရမလဲ မင်းသားပဲ။ အဲလေ…မှားလို့ ဗီလိန်ပဲ။ အန်..ရှုပ်ကုန်ပြီ။ ကဲပါလေ။ ဗီလိန့်ဇာတ်မှာ ဗီလိန်က မင်းသားပဲဆိုပါတော့။ ဟုတ်တယ်မလား။

ကျနော် တချိန်က ဂျပန်သွားဖို့ စီစဉ်ခဲ့ဖူးပါတယ်။ အကြောင်းအမျိုးမျိုးနဲ့ မရောက်ခဲ့တာက တပိုင်းပေါ့လေ။ ဆေးစစ်လွှာတွေ တွဲတင်ရမှာဖြစ်လို့ ဆေးသွားစစ်ရပါတယ်။ မှတ်မှတ်ရရ ဖေဖော်ဝါရီလကြီးပါ။ တိတိကျကျပြောရရင် ဖေဖော်ဝါရီလ ၁၀ ရက်နေ့၊ စနေနေ့ပေါ့။ ဆေးစစ်တော့ ကျနော့သွေးကို ဖောက်ပါတယ်။ ပြီးတော့ သွေးရေကြည်ဆိုလားပဲ စစ်ထုတ်ရပါတယ်။ စစ်ထုတ်ပြီးလို့ ရလာတဲ့သွေးရည်ကြည်ကို ကိရိယာလေးတစ်ခုမှာ ထည့်ပြီးစစ်ရပါတယ်။ စစ်ရတဲ့ ကိရိယာလေးက ဖြူဖြူသွယ်သွယ် လေးထောင့်အပြားလေးပါ။ အကျယ်က ၁ စင်တီမီတာလောက်။ အရှည်က ၁၀ စင်တီမီတာလောက်ပါ။ အမြင့်ကတော့ ၅ မီလီမီတာလောက်ပဲရှိမယ်။

အဲဒီအပြားလေးရဲ့ တစ်ဘက်ထိပ်မှာ သွေးရည်ကြည်ထည့်ဖို့ နေရာအဝိုင်းလေးပါပါတယ်။ ပြီးတော့ သွေးက အချောင်းလေးတစ်လျှောက် စီးဆင်းသွားပြီး ပေါ်က Screen မှာ ဖော်ပြပါတယ်။ ဖော်ပြပုံက လိုင်း ၂လိုင်းရှိပါတယ်။ ပထမတစ်လိုင်းက Control Line အဲဒီလိုင်းပေါ်ရင် စစ်ဆေးမှုစပြီ။ ဒုတိယလိုင်းက Test Line ပါ။ အဲဒီလိုင်းပေါ်ရင်တော့ ရောဂါ Positive ပေါ့။ မပေါ်ရင်တော့ Negative ပေါ့။ ဆေးက သုံးမျိုးလောက် အဓိကစစ်ရတယ်။ အသည်း ဘီ၊ အသည်း စီ နဲ့ အိတ်ခ်ျအိုင်ဗီပေါ့။ အသည်း ဘီ။ နက်ကတစ်ဖ်၊ အသည်းစီ နက်ကတစ်ဖ်၊ အိတ်ခ်ျအိုင်ဗီ………………။ သေဘီ။ Testing က တဖြည်းဖြည်း ပေါ်လာပြီ။ ပေါ်လာပြီ။ ခပ်ရေးရေးလေးပေါ်ပြီး ရပ်သွားတယ်။ ထင်ထင်ပေါ်ပေါ်လည်းမဟုတ်။ မရှိတရှိဆိုပါတော့ဗျာ။ ဘုရား၊ ဘုရား ဒုက္ခပါပဲ။

သူကလည်းပိုပြီးထင်လာလေလေ… ကျနော့အတွေးက ခပ်ဝေးဝေးရောက်လေလေပဲ။ ဒီကိစ္စ အမေ့နဲ့ အဖေ့ကို ဘယ်လိုပြောရပါ့မလဲ…။ ချစ်သူနဲ့ ဘယ်လို…..။ သူငယ်ချင်းတွေကြားမှာ…။ ဆွေမျိုးတွေကြားထဲမှာ…။ ငါ့ရည်မှန်းချက်ကြီးတွေ…။ ငါကြိုးစားခဲ့သမျှတွေ…။ ငါ့မျှော်လင့်ချက်တွေ…။ ငါ့………..ငါ့။ အဝေးကြီးကိုရောက်ရှိသွားပါလေရော။

သူကလည်း အတော်အသင့်လေးထင်ပြီး ရပ်သွားပါတယ်။ ထင်တာတော့သေချာတယ်။ ဒါပေမယ့် ဝါးတားတားရယ်။ ဆေးစစ်တဲ့ အဒေါ်ကြီးကတော့ ပြောရှာပါတယ်။ စက်မှားတာနေမှာပါတဲ့။ ထပ်စစ်ကြည့်မယ်ဆိုတော့ ဆိုးလိုက်တဲ့ကံက စစ်စရာ ပစ္စည်းမရှိတော့ဘူးတဲ့ ဒုက္ခပဲ မိုးကလည်းချုပ်တော့မယ်။ နောက်နေ့မှ စစ်တာပေါ့တဲ့။ စက်ပျက်တာနေမှာပါတဲ့လေ။ နောက်နေ့ဆိုတာကလည်း တနင်္ဂနွေနဲ့ တနင်္လာ(ပြည်ထောင်စုနေ့)က ပိတ်တယ်တဲ့လေ။ အင်္ဂါကျမှ စစ်လို့ရမယ်တဲ့။ စဉ်းစားကြည့်ပါဦးဗျာ။ ဒီနှစ်ရက်ကို ဘယ်လိုအင်အားနဲ့ စခန်းသွားရမှာတုန်း။ ကျနော်လည်း စိတ်ညစ်ညစ်နဲ့ တခြားဆေးခန်းသွားစစ်မယ်လို့ စဉ်းစားပြီးထွက်လာခဲ့တာ။ ဆေးခန်းရောက်တော့ မေးကြည့်တာ ၉၀၀၀ ကျပ်တဲ့လေ။ ၃၅၀၀ ပဲရှိတဲ့ကျနော် ရှက်လည်းရှက်ပါတယ်။ ရှက်ရှက်နဲ့ပဲ ထွက်လာခဲ့ရတာပေါ့။

ကဲပါ…ထားပါတော့လေ။ မရှိတာကအရေးမကြီးဘူး။ ရှိလာရင်ဘာလုပ်မလဲ။ ဘာလုပ်မလဲ။ ဘာလုပ်မလဲ။ အိမ်နားက ဆိုးတူကောင်းဘက် ငယ်ပေါင်းသူငယ်ချင်းကို ခေါ်ပြီး တိုင်ပင်ရပါတော့တယ်။ ပြောလိုက်တော့ သူလည်းတော်တော် စိတ်လေသွားပါတယ်။ ဘာတွေဘယ်လိုလုပ်သင့်တယ်။ ဘယ်လိုစီစဉ်ကြမယ်ပေါ့။ ဒါတော့ အသေးစိတ်မပြောတော့ပါဘူး။ အဆိပ်ချိုချို နဲ့များ ခပ်ဆင်ဆင်တူမလားပဲ။ :) အိမ်ပြန်ရောက်တော့ အမေက “ဟဲ့… ဆေးစစ်တာ ဘာတဲ့လဲ” တဲ့လေ။ ကျနော်ဘာပြောရမှာလဲ။ အဖြေမထွက်သေးဘူးလို့ပဲ ပြောလိုက်မိပါတယ်။ ပြီးတော့ ထမင်းနည်းနည်းကို စားချင်ယောင်ဆောင်ပြီး အခန်းထဲတန်းဝင်ပြီး ခွေတော့တာပဲ အတွေးပေါင်းစုံ ရှုပ်ရှက်ခက်ပြီး ရူးချင်ချင်ဖြစ်သွားတဲ့ အမှတ်တရညလေးတစ်ညပါပဲ။

အင်္ဂါနေ့ရောက်တော့ နှစ်ကြိမ်တိုင်တိုင်ထပ်စစ်တာ Non-reactive တဲ့လေ။ တခါတခါ သေမင်းက သိပ်နောက်တာပဲနော်။ :) အောက်မှာ ဆေးစစ်တဲ့ ကိရိယာလေးကို နမူနာပြပေးလိုက်ပါတယ်။ ကျနော်စစ်တဲ့ စက်ကလေးက သူ့ထက် ဗျက်သေးတယ်ဗျ။ blogs.chron.com ကနေ ကူးယူတင်ပြလိုက်တာပါ။

သေမင်းနှင့် စီးချင်းထိုးခြင်း (၂)

သေမင်းနှင့် စီးချင်းထိုးခြင်း (၂) ကတော့ ကျနော်တင်ပြပြီးပြီဖြစ်တဲ့ စီးလေဦးဟဲ့ ၁၀၅ မှာ ဖတ်ရှုနိုင်ပါတယ်ဗျာ။

သေမင်းနှင့် စီးချင်းထိုးခြင်း (၁)

၁၀ ရက်? ဟုတ်လား။ အင်း မသေခင် ၁၀ ရက်မပြောခင် မသေခင် စက္ကန့်ပိုင်းလေးမှာ သေမင်းနဲ့ နပန်းလုံးထိုးသတ်ခဲ့တာလေးတွေ အရင်ဖောက်သည်ချပေးပါမယ်။ ကျနော် ၉ တန်းတုန်းက ဓမ္မစင်္ကြာရွတ် အသင်းမှာပါဝင်ပါတယ်။ တစ်နေ့ ကျနော်တို့မြို့ထိပ်မှာ နိုင်ငံအကြီးအကဲတစ်ယောက် ဦးစီးပြီးတည်ထားတဲ့ စေတီကြီးတစ်ခုရဲ့ ထီးတော်တင် မင်္ဂလာအခန်းအနားမှာ ကျနော်တို့အဖွဲ့က ဓမ္မစင်္ကြာရွတ်ဖို့သွားရပါတယ်။

အဲဒီနေ့က တစ်မြို့လုံးကလူတွေ စေတီကြီးရဲ့ ပတ်ပတ်လည်းမှာ စည်ကားနေတာပေါ့။ စည်ကားတာမှ မြို့လုံးကျွတ်ကို ရောက်ချလာကြတာ။ ဟင်းရွက်သည်၊ ငါးစိမ်းသည်က စလို့ပေါ့။ ဘာကြောင့်လဲ ဆိုတော့ အဲဒီထီးတင်မဲ့ နိုင်ငံ့အကြီးအကဲက ငွေ ၂ သိန်းဖိုး ရွှေမိုးငွေမိုး ရွာမတဲ့လေ။ အဲဒီတုန်းက ငွေနှစ်သိန်းကလည်း မသေးလှ ငွေစက္ကူ တစ်ထောင်တန်တစ်ရွက်ဆိုရင် လူတစ်ယောက် တစ်နေ့စားလို့ရတယ်။ ကျနော်တို့ အဖွဲ့လည်း စေတီကြီးရဲ့အနောက်ဘက်မုဒ် ရင်ပြင်တော်မှာ နေရာယူပြီး ရွတ်ဖတ်ပူဇော်စရာရှိတာပူဇော်ပြီး အခမ်းအနားမှာ ပါဝင်အားပေးနေတာပေါ့။

အခမ်းအနားအစီအစဉ်က ရွှေမိုးငွေမိုးရွာသွန်းဖြိုးမယ့် အချိန်ရောက်လာတော့ အဲဒီ အကြီးအကဲက ဉာဏ်တော် တစ်ရာကျော်လောက်ရှိတဲ့ ဘုရား ထီးတော်ပေါ်ကနေ ထောင်တန်ငွေစက္ကူ လက်တစ်ဆုပ်ကျဲချလိုက်တယ် ဆိုရင်ပဲမြို့နေလုထုကြီးက ပုရွတ်အုံကို ဒုတ်နဲ့ထိုးလိုက်သလို ရိတ်ခနဲ ကုန်းမြေပေါ်ကိုတက်ချလာပါတယ်။ ကျနော်လှည့်ကြည့်လိုက်တော့ သိပ်နောက်ကျသွားပြီ။

လူအုပ်ကြီးတက်လာလိုက်တာ နောက်ကလူတွေ တိုးလာရင်းက လူအုပ်ကြီးရဲ့ရှေ့ဆုံးက ဖြစ်နေတာက ကျနော်။ ကျနော့ရှေ့က ဝါးစည်းရိုးနဲ့အတူ ကျနော်လည်းကျသွားပါတော့တယ်။ ဝါးစည်းရိုးက ဝါးလုံးက ကျနော့ခြေမွဲရိုး(ညိုသူကြီး)ကို ကြက်ခြေခတ်ပုံစံ ကန့်လန့်ခံနေပါတယ်။ အဲဒီနောက်မှတော့ ကျနော့အပေါ်ကို နောက်တစ်ယောက် လဲကျလာပါတယ်။ ပြီးတော့ နောက်တစ်ယောက်….. နောက်တစ်ယောက်….. ပြီး…နောက်တစ်ယောက်။
ဘယ်နှယောက်တောင် ထပ်သွားတယ်မသိပါဘူး။ အသက်ရှုလို့ကို မရတော့ဘူး။ လက်တစ်ဘက်ကလဲ ကိုယ့်ကိုယ်နဲ့ ကိုယ်ပိနေပြီ။ ခြေမွဲရိုးကဝါးလုံးကလည်း အစွမ်းကို နာကျင်စေနေပြီ။ ကျနော် အားရှိသရွေ့အော်ပြီး အော်ဖို့အားမရှိတော့တဲ့ အဆုံးမှာ ကိုယ့်ကိုကိုယ် ဆုံးဖြတ်လိုက်တာက “ငါသွားပြီ၊ ငါနောက် စက္ကန့်ပိုင်းအတွင်း သေရတော့မှာပါလား” ဆိုပြီး ဘုရားကို အာရုံပြုမိလိုက်ပါတယ်။ တော်သေးတာပေါ့ အဲလိုစိတ်လေးဖြစ်မိတာ။ တကယ်လို့များ တကယ်သာသေသွားခဲ့ရင် ကောင်းရာသုဂတိလားမှာ သေချာတယ်။ :)

အဲဒီလို အာရုံပြုနေစဉ်အတွင်းမှာပဲ ကျနော့ ချိုင်းနှစ်ဘက်ကို တစ်ခုခုကဆွဲလိုက်သလို ခံစားလိုက်ရပါတယ်။ ကျနော်ထင်လိုက်တာ ငရဲသားတွေများ ကျနော့ကို အမှုစစ်ဖို့ခေါ်သွားပြီလားလို့။ မျက်စိဖွင့်လိုက်တော့မှ လုံခြုံရေးစစ်သားတွေ လူအုပ်ကြီးကို ထိန်းသိမ်းပြီး ကျနော့ကို ဆွဲထူလိုက်တာလေ။ ဝတ်ထားတဲ့ ဓမ္မစင်္ကြာ ဝတ်စုံလဲ ရွဲ့စောင်း ပေကျံလို့။ ခြေထောက်ကလည်း နာတာမှ ထောက်ကိုမထောက်နိုင်တော့တာ။ လက်တစ်ဖက်ကလည်း ပေါက်ပြဲ။ အဲလိုနဲ့ပဲ ဆိုက်ကားငှားပြီး အိမ်ပြန်ရောက်လို့တောင် ရန်ခုန်သံက တော်တော်နဲ့ကို မရပ်နိုင်ဖြစ်နေခဲ့ပါရောဗျာ။

ကဲ TAG ကြွေးမဆပ်ခင် ကောင်တာပြန်ဖိုက်လိုက်တယ်။ အိမ် နဲ့ မဆုမွန် ရေ။ သေမင်းနှင့် စီးချင်းထိုးခြင်း လေးများတက်ပေးနိုင်မလား။ ကြုံဖူးတယ် ဆိုရင်ပေါ့။ စိတ်ဝင်စားရင် မိခေါင် ပါပါတယ်။

တုတ်တစ်ချောင်း၏ အတ္ထုပ္ပတ္တိ (အထူး)

ကျနော် တင်ပြခဲ့သော၊ ရေးခဲ့သော တုတ်တစ်ချောင်း၏အတ္ထုပ္ပတ္တိ ပို့စ်များမှာ မာတာပိတု မိဘ၊ အာစရိယ ဆရာသမားများကို ပြစ်မှားစော်ကားချင်စိတ် လုံးဝမပါပါ။ အနာဂတ်တွင် မိဘများ၊ ဆရာများ ဖြစ်လာကြမည့် သူများအတွက် အချို့အချို့သော အရာများကို သိမြင်စေရန် တတ်သလောက်မှတ်သလောက် တင်ပြခြင်းမျှသာဖြစ်ပါသည်။ လာရောက်အားပေးပြီး ကူညီအကြံပေး သုံးသပ်သူအားလုံးကိုလည်း ကျနော် ဗီလိန်က လှိုက်လှိုက်လှဲလှဲ အထူးကျေးဇူးတင် ဝမ်းသာမိပါကြောင်း…။