ကျမ နှင့် ဆေးကျောင်းသားလေး

သူက မနက်တိုင်း ကျောင်းမသွားခင် လမ်းထိပ်က လက်ဘက်ရည်ဆိုင်မှာ လာထိုင်နေကြ။ ကျမကလည်း အဲဒီ့အချိန်ဆို ဆိုင်လေးရဲ့ထောင့်တစ်နေရာကနေ စောင့်ကြည့်ရတာအမော။ သူက သူ့သူငယ်ချင်းတွေ ကြားထဲမှာ တော်တော်အရာရောက်တယ်လေ။ သူ့တို့ဝိုင်းမှာဆို သူ့စကားတွေက လွှမ်းလို့ပေါ့။ မန်ယူနဲ့ အာဆင်နယ် ဘယ်သူနိုင်မယ်ငြင်းမလား။ ကားဈေးတွေ ဘယ်လိုဖြစ်နေတယ် ပြောမလား။ DotA ဟီးရိုးတွေ ဘယ်လို ကစားတယ်ဆိုတာပဲ အကြံတောင်းမလား၊ အာကာသတွေ သိပ္ပံတွေအကြောင်း ဆွေးနွေးမလား။ အို...နောက်ဆုံး ကျောင်းစာပဲမေးဦးမလား။ သူက ဂရုတစိုက် ဆွေးနွေး၊ ရှင်းပြ၊ တိုင်ပင် ပေးတတ်တာက သူ့အကျင့်။ ရုပ်ကလေးကလည်းရှိ၊ အပြောလေးကလည်းကောင်းတဲ့ အပြင် မိဘအသိုင်းအ၀ိုင်းကလည်း တောင့်တောင့်တင်းတင်းထဲကဆိုတော့ ရွှေပေါ်မြတင် လို့ပဲပြောရမလားပဲ။

ဒီလို ဆေးကျောင်းသားလေးတစ်ယောက်ကို စွဲလမ်းမိတာက ကျမလို ရုပ်ဆိုးဆိုးနဲ့ ဘယ်သူမှ အဖတ်မလုပ်တဲ့ ဘာမဟုတ်တဲ့ အညတရလေးကပေါ့။ မနက် ကျောင်းမသွားခင်တစ်ခါ၊ ညနေကျောင်းဆင်းလို့ ထမင်းစားသောက် ရေမိုးချိုပြီးရင်တစ်ခါ ပုံမှန်ရောက်ရောက်လာတဲ့ သူ့ကို လက်ဘက်ရည်ဆိုင်ရဲ့ ထောင့်လေးတစ်နေရာကနေ စောင့်စောင့်ကြည့်ရတာ တာဝန်ကြီးတစ်ရပ်။ မျက်နှာလေးက ဝင်းဝင်းဝါ၊ နှာတံလေးကစင်း၊ မျက်ခုံးလေးက ကောင်းတဲ့အပြင်၊ နှုတ်ခမ်းလေးက တန်းလို့ ပါးပါးလေး။ နောက်ပြီး တခါတလေများမှ မျက်နှာပေါ်မှာ ဝက်ခြံတို့ ဘာတို့မတွေ့ဖူး။ လက်မောင်းက ပြည့်ပြည့်ဖြိုးဖြိုး၊ အရပ်က ၅ ပေ ၁၀လောက် သူ့လိုလူကို စွဲလမ်းမိတဲ့ကျမက တန်ရာတန်ရာ မမှန်းလို့များ ပြောကြလေမလား။ ဒါပေမယ့် ကျမက အဝေးကနေကြည့်နေရုံနဲ့ ကျေနပ်နေရတဲ့ဘဝမို့ အပြစ်တော့ မမြင်ကြပါနဲ့။ သူ့အနားတောင် မကပ်ဝံ့တဲ့ ဘဝမို့ နေ့တစ်ခါ ညတစ်ခေါက် အဝေးကကြည့်နေရုံနဲ့ ဖြေသိမ့်နေရတဲ့ ဘဝပါလေ။

ဒါပေမယ့် တခါတခါ သူအကြည့်က ကျမဘက် ရောက်လာရင်ပဲ ဖြစ်ဖြစ် တစ်ခုခုများ တိုက်ဆိုင်လို့ပဲ ဖြစ်ဖြစ် သူပြောတတ်တဲ့ စကားလေးတစ်ခွန်းက “ငါ့ဟာလေးနော် မင်းတို့ မထိကြနဲ့” တဲ့လေ ။ ပျော်စေပျက်စေ နောက်ပြောင်လို့ပဲ ဖြစ်ဖြစ်၊ တခြားသဘောတစ်ခုနဲ့ပဲ ပြောပြော၊ ကျမရင်ထဲ စိမ့်ပြီး ကြည်နူးနေရတာ သူသိစေချင်လိုက်တာ။ တချို့ရက်တွေဆို စားပွဲထိုးလေးကိုတောင် ပြောသွားသေးတယ်။ “ငါ့ဟာလေးကို စောင့်ရှောက်ထားနော်”တဲ့။ သူဟာကျမရဲ့စိတ်ကို လုံးဝကြီးလွှမ်းမိုးချုပ်ကိုင် ထားတယ်လေ။ ကျမအသည်းကိုခွဲလို့ လိုချင်တယ်ဆိုလဲ ပေးဖို့ အဆင်သင့်ပါ။
ဒီအချိန်မှာ ကျမရွတ်မိတာက ဘလော့ဂါတစ်ယောက် ရေးခဲ့ဖူးတဲ့ သခင် ဆိုတဲ့ ကဗျာလေးတစ်ပုဒ်ပေါ့။

တစ်နေ့ သူကျောင်းမသွားခင် ပုံမှန်အတိုင်း လက်ဘက်ရည်ဆိုင်ထိုင် ညက ချံပီယံလိဒ်အကြောင်း၊ ဒီနေ့ ပရယ်ဒီကယ်ရှိကြောင်း ဘာညာပြောဆိုပြီး စားပွဲထိုးကို ပိုက်ဆံရှင်းပြီးတော့ ကျမရှိရာ ထောင့်လေးကို လျှောက်လာပါတယ်။ တဖြည်းဖြည်း ကျမနားရောက်လာပြီ။ ဘေးဘေးဘီဘီကြည့်လိုက်တော့ ကျမနားမှာ ဘယ်သူမှမရှိ။ ကျမရင်တွေများ တဒိန်းဒိန်းနဲ့။ သူကလည်းတည့်တည့်ကို လာနေတာ။ အနားရောက်တော့ ကျမကို ဘာမပြောညာမပြောနဲ့ ကောက်ကာငင်ကာ ခေါ်သွားတယ်လေ။ ကျမလည်း ဆန့်ငင်ဆန့်ငင်နဲ့ သူ့နောက်ပါသွားတာပေါ့။ သူသွားရာ တကောက်ကောက် ပါသွားလိုက်တာ သူ့ကျောင်းရောက်လို့ ပရယ်တီကယ်လ်အခန်းထဲ အထိပဲလေ။

ကျမလည်း သူဘာလုပ်မလဲ ကြည့်နေရင်းကနေ ကျမကို စားပွဲပေါ်က ဖယောင်းလင်ဗန်းလေးမှာတင်၊ ကျမလက်နှစ်ဘက်နဲ့ ခြေနှစ်ဘက်ကို ကားပြီး သံမှိုနဲ့ဖိပြီး တွဲလိုက်ပါတယ်။ လက်ဖဝါးနဲ့ခြေဖဝါးက တစစ်စစ်နာကျင်နေတဲ့ ဝေဒနာတွေကြားထဲက ကျမကြည့်လိုက်တော့ သူကိုင်ထားတဲ့ ခွဲစိတ်ဓားလေးက ကျမအရှိုက်ပေါ်ရောက်နေပြီလေ……………………….။


မှတ်ချက် ။ ။ ဓာတ်ပုံလေးက http://2.bp.blogspot.com/ ကပါ။