သူရဲကောင်းလေး

ဒေါင်......ဒင်.......ဒေါင်......ဒင်......
အချက်ပြ ခေါင်းလောင်းသံကြောင့် တစ်ရွာလုံး လန့်ဖျန့်သွားသည်။ အလန့်တကြား ဖြစ်သွားသော ကားမောင်းသမားတစ်ယောက်မှ တဆင့် ဥသျှစ်သီးကြွေတဲ့ ပုံပြင်ထဲကလို၊ ပုစဉ်းရင်ကွဲအော်သံ ပုံပြင်ထဲကလို ဆင့်ကဲဆင့်ကဲ အက်ဆီးဒင့်တွေဖြစ်ပြီး တစ်ရွာလုံး ပြောင်းသတ် ကုန်ပါတယ်။ အဲဒီ အချက်ပေးသံကို တီးလိုက်သူကတော့...................

ဒီဇာတ်လမ်းထဲက မင်းသားလေး Chicken Little ပါပဲ။ လုပ်သမျှ အမြဲတမ်း တလွဲပဲဖြစ်ဖြစ်နေလို့ တစ်ရွာလုံးက မကြည်တဲ့အပြင် အကောင်ကပါ သေးတော့ နှိမ်လည်းနှိမ်ကြ၊ အကုန်လုံးရဲ့ နောက်ပြောင် အနိုင်ကျင့်တာ ခံနေရပေမယ့် အမြဲတမ်းပျော်ရွှင်နေပြီး ဖြတ်ထိုးဉာဏ်ကောင်းတဲ့ ကြက်ကလေးဟာ ဖခင်မီးသတ်သမား ကြက်ဖကြီးရဲ့ မိတဆိုးသားလေးပါ။ အဖေတစ်ခု၊ သားတစ်ခုဘဝမို့ အရမ်းချစ်ကြတဲ့ သားအဖနှစ်ယောက်ဖြစ်လို့ ကြက်ကလေးရဲ့ ပေါက်ကရ တလွဲလုပ်သမျှကို ဖခင်ဖြစ်သူက အမြဲလိုက်ရှင်းနေရတဲ့ ဇာတ်လမ်းလေးနဲ့ အစပြုထားပါတယ်။

ကြက်ကလေးရဲ့ အရာရာကို စူးစမ်းလိုစိတ်၊ ဖြတ်ထိုးဉာဏ်ရင့်သန်ပြီး တီထွင်ဆန်းသစ်နိုင်တဲ့ အရည်အချင်း၊ ပတ်ဝန်းကျင်နဲ့ မိမိပတ်ဝန်းကျင်ကို ကာကွယ်လိုစိတ်၊ မိမိစွမ်းအားရှိသမျှ အစွမ်းကုန် ကြိုးစားအားထုတ် တတ်တဲ့ ဇွဲသတ္တိနဲ့ စိတ်ဓာတ်၊ အချိန်တိုင်း ဖြတ်လတ်တက်ကြွနေတဲ့ ပုံသဏ္ဏာန်တွေဟာ လူငယ်တွေရဲ့ စံပြထားရလောက်တဲ့ အရည်အချင်းနဲ့ စွမ်းရည်တွေပါပဲ။ အကောင်သေးပေမယ့် အထင်သေးလို့မရတဲ့ ဇာတ်လိုက်ကျော်လေး Chicken Little ပါ။ နောက်ပိုင်းဇာတ်လမ်း ကိုတော့ အရသာပျက်မှာစိုးလို့ မပြောပြတော့ပါဘူး။ မြန်မာပရိသတ်တွေနဲ့ ရင်းနှီးပြီးသား တာယာပွကြီးနဲ့ ခပ်ဆင်ဆင်တူတဲ့ ဒီဇာတ်ကောင်လေး Chicken Little ကို Walt Disney ကနေဖန်တီး ထုတ်ဝေဖြန့်ချီပါတယ်။

ဖန်တီးသူတွေကတော့
Directed by Mark Dindal
Produced by Randy Fullmer
Written by Steve Bencich
Ron J. Friedman
Starring Zach Braff
Garry Marshall
Joan Cusack
Steve Zahn
Don Knotts
Patrick Stewart
Music by John Debney
Distributed by Walt Disney Pictures ဖြစ်ပါတယ်။
Trailer လေးကိုပါ တင်ပြပေးလိုက်ပါတယ်။

နန်းညီရဲ့TAG လေးပါ။ ကာတွန်းကားသိပ်ကြိုက်တဲ့ ကျနော့အတွက် ကောက်ခါငင်ကာပဲ ဖြေလိုက်ပါတယ်။ နန်းညီ ရေ့ ကျေနပ်ပါတယ်နော်။ :)

ကျနော့ သူငယ်ချင်းအပေါင်းအသင်း ဦးဦး၊ ဒေါ်ဒေါ်၊ ကိုကို၊ မမ၊ ညီညီ၊ ညီမတို့ အားလုံး ဒီရက်ထဲ အပျင်းကြီးတဲ့သူကကြီး၊ အသဲကွဲလို့ ကွဲပြဲတဲ့သူကကွဲပြဲ၊ အလုပ်များတဲ့သူကများ၊ စိတ်ညစ်တဲ့သူကညစ်၊ စာမေးပွဲနီးလို့ ဘလော့ဘက် ခြေဦးမတည့်နိုင်သူက တစ်မျိုးနဲ့မို့ ဒီTAGလေးနဲ့ ဘလော့ရောဂါပိုး ထိုးထည့်လိုက်ပါတယ်။ စာမေးပွဲရှိသူတွေကတော့ စာမေးပွဲပြီးပြီးချင်း ရေးပေးပေါ့၊ မအားတဲ့သူတွေကလည်း အားတာနဲ့ရေးပေးပေါ့၊ လို့ ပြောရင်းနဲ့ ရှိသမျှ ဆွေသဟာတွေအားလုံး ဝါးလုံးရှည်နဲ့ သိမ်းကြုံးTAGလိုက်ပါတယ်။ မကောင်းသူထိပ် ကောင်းသူထိပ် တော့မဟုတ်ဘူး။ မေ့ကျန်သူရှိရင်တောင် Edit ပြန်လုပ်ပြီး ထပ်ထည့်မှာ။ စိတ်မဆိုးကြေး။ ကာတွန်းကားကိုလုံးဝ စိတ်မဝင်စားပြီး မကြည့်တဲ့သူတွေကိုတော့ လွတ်ငြိမ်းခွင့်ပေး လိုက်ပါမယ်နော်။

ဖိုးဂျယ် (ရေးပြီး)
မတူးတူးသာ (ရေးပြီး)
ခေါင်ခေါင်
မေ (စိတ်ဖြေရာ) (ရေးပြီး)
ကိုအင်ဒီ (ရေးပြီး)
ဥယျာဉ်မှူး
apyae1
ချမ်းရဲ (ရေးပြီး)
ကိုလင်းဒီပ
ကိုရွာသားလေး (ရေးပြီး)
မဆုမွန်
သံလွင်ဟီးရိုး
မဝါ (ရေးပြီး)
လိပ်ပြာလေး (ရေးပြီး)
မက်မက် (ရေးပြီး)
ဂုဂု (လွတ်ငြိမ်းခွင့်ပေးပြီး)
မီးလေးဇာ (ရေးပြီး)
အိမ်
ကိုဂျူဝသန်
ယမမင်းလေး (ရေးပြီး)
မရွှေပြည်သူ (ရေးပြီး)
ကိုဖားကြီး

ကျောင်းပုံပြင် (၃) ဗီလိန် နဲ့ စာသင်ရက်များ

ဒီတစ်ခါတော့ ဗီလိန်တစ်ယောက်ရဲ့ စာသိပ်ကြိုးစားတဲ့ အကြောင်းလေးပေါ့။ ကျနော်တက်တုန်းက ကျောင်းရဲ့ သင်ရိုးဖွဲ့စည်းပုံလေးကို အရင်ပြောပြရလိမ့်မယ်။

ပထမနှစ် (ပထမနှစ်ဝက်) ----- မြန်မာစာ၊ အင်္ဂလိပ်စာ၊ ဘာသာဗေဒ (Linguistics) နဲ့ မေဂျာ Paper ၃ ခု။
ပထမနှစ် (ဒုတိယနှစ်ဝက်) ----- မြန်မာစာ၊ အင်္ဂလိပ်စာ၊ နိုင်ငံတကာဆက်ဆံရေး (International Relation-IR) နဲ့ မေဂျာ Paper ၃ခု။
ဒုတိယနှစ် (ပထမနှစ်ဝက်) ----- မြန်မာစာ၊ ဒဿနိက (Philosophy) (သို့မဟုတ်) သမိုင်း (History)၊ မေဂျာ Paper ၄ခု နဲ့ လူတွေ့။
ဒုတိယနှစ် (ဒုတိယနှစ်ဝက်) ----- မြန်မာစာ၊ မနုဿ (သို့မဟုတ်) ပါဠိ၊ မေဂျာ Paper ၄ခု နဲ့ လူတွေ့
တတိယနှစ် (ပထမနှစ်ဝက်) ----- မေဂျာ Paper ၆ ခု နဲ့ လူတွေ့။
တတိယနှစ် (ဒုတိယနှစ်ဝက်) ----- မေဂျာ Paper ၆ ခုနဲ့ လူတွေ့။

ပထမနှစ်ဝက်က Supply ၂ ခါထိခွင့်ရှိပါတယ်။ ပထမနှစ်ဝက်စာမေးပွဲ >>> Supply >>> Double Supply ဆို ပြီး ၃ ခါဖြေလို့ မအောင်ရင်တောင် နောက်စာမေးပွဲတိုင်းမှာ ဝင်ဝင်ဖြေလို့ရပါတယ်။ ပထမနှစ်ရဲ့ ပထမနှစ်ဝက်မှာ စာမေးပွဲရှုံးပြီ ဆိုပါတော့။ ဒုတိယနှစ်ဝက်ကတော့ Double Supply မရှိပါဘူး။ ၂ ခါပဲ အခွင့်အရေးရှိပါတယ်။

ဗီလိန်တို့ကတော့ ဒီသီအိုရီကို အပြည့်အဝ လိုက်ခဲ့သပေါ့ဗျာ။ ကျောင်းသားတစ်ယောက်ရဲ့ ရပိုင်ခွင့်တွေ အကုန်ယူခဲ့တာ။ ဟဲဟဲ။ ဖြေလို့ရသမျှ စာမေးပွဲကို ဝင်ဖြေတာ။ :) နှစ်တိုင်း Supply နဲ့ Double Supply ကို လွတ်ခဲ့တယ်မရှိ။ ဒုတိယနှစ်မှာများဆိုရင် တတိယနှစ် (ပထမနှစ်ဝက်) တက်တက်ခြင်းမှာ ဖြေရတဲ့ Supply Exam မှာ ပထမနှစ်ဝက်အတွက် Double Supply က ၆ဘာသာ၊ ဒုတိယနှစ်ဝက်ရဲ့ Supply က ခြောက်ဘာသာ စုစုပေါင်း ၁၂ ဘာသာကို ၆ ရက်နဲ့အပြီး ဖြေခဲ့တာဗျ။ အထင်တော့မသေးလိုက်နဲ့ဦး ၁၂ ဘာသာစလုံး ကွင်းလုံးကျွတ်အောင်သွားသဗျ။ ဗီလိန်တို့များ ပိုင်ချက်ကတော့နော။

ဒါကစာမေးပွဲတွေ အကြောင်း။ နောက်တစ်ခုက စာသင်ချိန် ပထမနှစ်စာသင်ချိန်လေးကို ဥပမာပြလိုက်ပါတယ်။ ပထမဇယားက ကျောင်းက ထုတ်ပြန်တဲ့စာသင်ချိန်။ ဒုတိယဇယားက ကျနော် လိုက်နာတဲ့စာသင်ချိန်။

ဇယား (၁)

ဒါကတော့ ကျောင်းကထုတ်ပြန်တဲ့ အချိန်ဇယား (ယေဘုယျပေါ့ဗျာ။ အတိအကျရယ်တော့ မဟုတ်ပါဘူး။)

	၀၉း၀၀~၀၉း၅၀	၁၀း၀၀~၁၀း၅၀	၁၁း၀၀~၁၁း၅၀	နား ချိန်	၁၂း၃၀~၁း၂၀	၀၁း၃၀~၀၂း၂၀	၀၂း၃၀~၀၃း၂၀
တနင်္လာ	မေဂျာ	မေဂျာ	မိုင်နာ		မေဂျာ	မေဂျာ	မိုင်နာ
အင်္ဂါ	မေဂျာ	မေဂျာ	မိုင်နာ		မေဂျာ	မေဂျာ	မိုင်နာ
ဗုဒ္ဓဟူး	မေဂျာ	မေဂျာ	မိုင်နာ		မေဂျာ	မေဂျာ	မိုင်နာ
ကြာသပတေး	မေဂျာ	မေဂျာ	မိုင်နာ		မေဂျာ	မေဂျာ	မိုင်နာ
သောကြာ	မေဂျာ	မေဂျာ	မိုင်နာ		မေဂျာ	မေဂျာ	မိုင်နာ

ဇယား (၂)

ဒါကတော့ ဗီလိန်လိုက်နာတဲ့ အချိန်ဇယားပါ။ ဒါကလည်း ပုံမှန်တော့မဟုတ်ဘူး။ အကြမ်းအားဖြင့်ပေါ့လေ။

	၀၉း၀၀~၀၉း၅၀	၁၀း၀၀~၁၀း၅၀	၁၁း၀၀~၁၁း၅၀	နား ချိန်	၁၂း၃၀~၀၁း၂၀	၀၁း၃၀~၀၂း၂၀	၀၂း၃၀~၀၃း၂၀
တနင်္လာ	အတန်းတက်	အတန်းတက်	ကန်တင်း	ကန်ဘောင်	ကန်ဘောင်	ဂိမ်းဆိုင်	အိမ်ပြန်
အင်္ဂါ	အတန်းတက်	ကန်တင်း	မြက်ခင်း	မြက်ခင်း	နားနေဆောင်	နားနေဆောင်	M-3
ဗုဒ္ဓဟူး	အတန်းတက်	ကန်တင်း	ကန်တင်း	ကန်ဘောင်	နားနေဆောင်	အတန်းငိုက်	ဘောကွင်း
ကြာသပတေး	အတန်းတက်	အတန်းတက်	အပြင်သွား	အပြင်သွား	အတန်းငိုက်	ဂိမ်းဆိုင်	အိမ်ပြန်
သောကြာ	အတန်းတက်	ကန်တင်း	မြက်ခင်းး	ကန်တင်း	အတန်းငိုက်	နားနေဆောင်	ဘောကွင်း

အညွှန်း။
အတန်းတက် = မိနစ် ၂၀နောက်ကျမှဝင်။ လက်မှတ်ထိုး။ ခိုးထွက်။ (မှတ်ချက် ။ ။ ကျောင်းရောက်တာ နောက်ကျရင် ကန်တင်း)
အတန်းငိုက် = ထမင်းစားပြီး ပျင်းရိဖွယ်ကောင်းသော ဂျပန်စာများဖြင့် ငိုက်မြည်းခြင်း။
ကန်တင်း = ကျောင်းသားများ ထုံးစံအတိုင်း မျက်စိအစာကျွေးခြင်း၊ ပေါက်ကရလေးဆယ် များပြောခြင်း။ ညက ဘောပွဲငြင်းခြင်း။ မနေ့ညနေက ကိုယ်တိုင်ကန်ကြသော ဘောပွဲကို ပြန်လည်သုံးသပ်ခြင်း။ အများသူငါကို ပြဿနာရှာ ဒုက္ခပေးခြင်း။ ရည်းစားစာများ အခမဲ့ရေး အေးဂျင့်တည်ထောင်ခြင်း။
ကန်ဘောင် = အင်းယား အနောက်ဘက် ကန်တင်း၊ သိပ္ပံကန်တင်း၊ ဝါဇ္ဇာကန်တင်း နှင့် ဗထက်ချိုက်ကွေ့ကန်တင်းတို့တွင် သောင်းကျန်းခြင်း၊ စိမ်းလန်းစိုပြေ နှင့် ရန်ကုန်တက္ကသိုလ်မိန်းထဲတွင် အတွဲချောင်းခြင်း အမှုကို သူငယ်ချင်းများနှင့် တက်ညီလက်ညီ ပြုလုပ်ခြင်း။
မြက်ခင်း = ကျောင်းမြက်ခင်း နှင့် ရန်ကုန်တက္ကသိုလ်မိန်းထဲ ရှိမြက်ခင်းများတွင် ကျားထိုးခြင်း၊ စစ်တုရင်ထိုးခြင်း။ ဂစ်တာတီးခြင်း။ စာမေးပွဲနီးလျှင် စာကြည့်ချင်ယောင်ဆောင်ခြင်း။
နားနေဆောင် = နိုင်ငံရေးမလုပ်ရင် ပြီးရောကွာ အရမ်းကြီး မဟော့ရင် ပြီးတာပဲလို့ ကျောင်းစောင့်ကပြောထား သဖြင့် အခန်းပိတ်၍ သင်္ချာတွက်ခြင်း။ (အမှန်တော့ ကျောင်းစောင့်က ပြောတာမဟုတ်ဘူး။ မော်ကွန်းထိန်းက ပြောတာ။ သူကကျောင်းစောင့်ကတဆင့် ကျနော်တို့ကိုပြောတာ။ အဟီး လျှောက်မပြောနဲ့နော်။)
M-3 = ရွှေတိဂုံဘုရား မြောက်ဘက်မုဒ်ကလေ သိတယ်မလား။ အဲဒီကိုသွားတာကို ပြောတာ။ တစ်ပတ်တစ်ခါလောက် မိုက်လေးခဲပြီး ကဲလိုက်ရမှ။ :)
အပြင်သွား = ကန်တော်ကြီး၊ တိရိစ္ဆာန်ရုံ၊ မြကျွန်းသာ၊ ပလာဇာများ၊ စင်တာများ သို့ လျှော့ပင်း(ဝင်းဒိုးပဲများပါတယ်။) ထွက်ခြင်း။
ဂိမ်းဆိုင် = PS2 နှင့် Computer ဂိမ်းများ အဖွဲ့လိုက် ချိန်းပြီး ဆော့ခြင်း။
ဘောကွင်း = အခြားကျောင်းမှ အသင်းများကို ဖိတ်ခေါ်၍ အိမ်ကွင်းကန်ခြင်း။ အဝေးကွင်းများကို စနေ၊ တနင်္ဂနွေနေ့များသာ ကန်ပါသည်။ :)

ကျောင်းမှန်မှန်တက်ခဲ့တာကို အချိန်ဇယားလေးနဲ့ ဖော်ပြပေးတာပါ။ စာမေးပွဲဖြေကာနီးရင် ဌာနမှူး(ပါမောက္ခ)က ဘာကြောင့် ကျနော့ကိုခေါ်ခေါ်ပြီး ကျောင်းခေါ်ချိန် မပြည့်ဘူးနဲ့ ပြောလဲတော့ မသိပါဘူးဗျာ။ စဉ်းစားကြည့်ပါဦး။ ကျောင်း ၃နှစ်လုံး ကျောင်းကိုမရောက်တဲ့နေ့က လက်ချိုးရေလို့ လက် ၁၀ချောင်းမကုန်ပါဘူး။ ဒါနဲ့များ ကျနော့ကျောင်းခေါ်ချိန်က ၃၇%၊ ၄၃% ၄၆% အဲလိုတွေကြီးပဲ။ တစ်ခါမှ ၅၀%မကျော်ဘူး။ ဆရာမက သင်္ချာညံ့လို့နဲ့ တူပါတယ်ဗျာ။ ဘာပဲဖြစ်ဖြစ်လေ။ လူကြီးတွေပဲ တခါတလေကနေ ၆ခါ၆လေ လောက်တော့မှားမှာပဲလေ ဆိုပြီး ပဲထားလိုက်ပါတယ်။ ဒါတောင် လက်မှတ်မထိုးပေးလို့ ငိုပြရသေးတယ်။ ဗီလိန်တို့များ အကယ်ဒမီပေးလို့ရတယ်။ ဌာနမှူးရှေ့များရောက်ပြီ ဆိုလို့ကတော့ အသေငိုပြီပဲ။ သေပြီးသား အဘိုးတွေ၊ အဘွားတွေလည်း အခါအခါ ထပ်သေရတာနဲ့။ ဦးလေးတွေ နေမကောင်းဖြစ်ရတာနဲ့၊ အဒေါ်တွေကို ကူညီပေးရတာနဲ့၊ တခါတလေများ အပြင်ကသူငယ်ချင်းကို အစ်ကိုလုပ်ခေါ်သွားပြီး အဆူခံခိုင်းရတာနဲ့။ ပြီးတော့လည်း အဆင်ပြေသွားပါတယ်။ ဗီလိန်က ဒီလောက်တော့ ပိုင်ပါတယ်။ ဟဲဟဲ။

အဲဒါနဲ့ပတ်သတ်လို့ ကဗျာလေးတစ်ပုဒ်တောင် ရေးဖြစ်သေးတယ်။

၄၂ရယ် ပြေးလျှက်ကယ် တွယ်ပါလို့
ချိုင့်တစ်ဖက် လက်ကဆွဲပေမို့
ပုဆိုးမယ်ကျွတ်ရင် မဝတ်နိုင်ဘု
တံတောင်နဲ့ တွတ်ကာဖိရတယ်
၂ဂိတ်မို့ တော်သေး။

ကျောင်းရောက်လျှင် တွက်ခြေကိုက်အောင်လို့
နောက်ကျဝင် အတန်းထဲရောက်လျှင်ဖြင့်
မျက်နှာငယ် လေးတွေလေးတွေနဲ့
လက်မှတ်ကယ်ထိုးကာ ခိုးထွက်တယ်
ရိုးကောက မပြည့်သေး။

ဟန်ပြကာ အတန်းရယ်တက်သမို့
နောက်အချိန်တွေ ပြေးကာမတက်ပါဘု
ကန်တင်းမယ်အချိန်တွေ ဖြုန်းပါစ
ခေါင်းတိုက်ကာ ဆွေးနွေးကြရမယ်
ဒီနေ့တော့ ကန်ဘေး။

ကျောင်းချိန်တွေ လစ်ကာလစ်ကာပ
ယောင်းအဆွေတွေ တွဲကာကဲပေစွ
ဒိုတာချ ဂိမ်းတွေဆော့လေကြ
ဘောကန်လည်း မပျက်စေကြစေဖို့
ဆော်သြကာ ပြောကာဆွရတယ်
ဖဲဝိုင်းကမထသေး။

ဗီလိန်

ကျောင်းပုံပြင် (၃) ရဲ့ စာသင်ရက်တွေကိုတော့ ဒီမှာပဲ နားလိုက်ဦးမယ်ဗျာ။

ကျောင်းပုံပြင် (၁) ဗီလိန် နဲ့ အားကစား
ကျောင်းပုံပြင် (၂) ဗီလိန် နဲ့ ပထမဆုံးနေ့
ကျောင်းပုံပြင် (၃) ဗီလိန် နဲ့ စာသင်ရက်များ
ကျောင်းပုံပြင် (၄) စာမေးပွဲအတွက် ပြင်ဆင်ခြင်း
ကျောင်းပုံပြင် (၅) ဗီလိန် နဲ့ မော်ကွန်းထိန်းများ

နှလုံးသားထဲက တက္ကသိုလ် (၂)

၄၂ရယ် ပြေးလျှက်ကယ် တွယ်ပါလို့
ချိုင့်တစ်ဖက် လက်ကဆွဲပေမို့
ပုဆိုးမယ်ကျွတ်ရင် မဝတ်နိုင်ဘု
တံတောင်နဲ့ တွတ်ကာဖိရတယ်
၂ဂိတ်မို့ တော်သေး။

ကျောင်းရောက်လျှင် တွက်ခြေကိုက်အောင်လို့
နောက်ကျဝင် အတန်းထဲရောက်လျှင်ဖြင့်
မျက်နှာငယ် လေးတွေလေးတွေနဲ့
လက်မှတ်ကယ်ထိုးကာ ခိုးထွက်တယ်
ရိုးကောက မပြည့်သေး။

ဟန်ပြကာ အတန်းရယ်တက်သမို့
နောက်အချိန်တွေ ပြေးကာမတက်ပါဘု
ကန်တင်းမယ်အချိန်တွေ ဖြုန်းပါစ
ခေါင်းတိုက်ကာ ဆွေးနွေးကြရမယ်
ဒီနေ့တော့ ကန်ဘေး။

ကျောင်းချိန်တွေ လစ်ကာလစ်ကာပ
ယောင်းအဆွေတွေ တွဲကာကဲပေစွ
ဒိုတာချ ဂိမ်းတွေဆော့လေကြ
ဘောကန်လည်း မပျက်စေကြစေဖို့
ဆော်သြကာ ပြောကာဆွရတယ်
ဖဲဝိုင်းက မထသေး။

ဗီလိန်

ကျောင်းပုံပြင် (၂) ဗီလိန် နဲ့ ပထမဆုံးနေ့

ကမ္ဘာ့ဖလား ဗိုလ်လုပွဲ။ ဗီလိန် အချစ်ဆုံး ဘရာဇီးအသင်းက ဂျာမနီကို ၂ဂိုး၊ ဂိုးမရှိနဲ့ ဖလား ဆွတ်ခူးသွားတဲ့နေ့။ အဲဒီပွဲမှာ ကျနော်သိပ်ကြိုက်ခဲ့တဲ့ ရိုနယ်ဒိုက ၂ဂိုးသွင်းပြီး ပွဲစဉ်တလျှောက် ၈ဂိုးသွင်းနဲ့ ရွှေဘောလုံးဆုယူသလို၊ ကျနော် ခုချိန်ထိ ခရေဇီဖြစ်ပြီး လေးစားဆဲ ဂိုးသမားကြီး အိုလီဗာခမ်းကလည်း ဒီပွဲမှာပေးရတဲ့ ၂ဂိုးကလွဲရင် ပွဲစဉ်တလျှောက် ပေးဂိုးမရှိ ကမ္ဘာ့စံချိန်တင်နိုင်ခဲ့ပြီး ပွဲစဉ်တလျှောက် ဂိုးသမားအကောင်းဆုံးဆုဖြစ်တဲ့ ယာရှင်ဆုကို ဆွတ်ခူးခဲ့တဲ့အပြင် အကောင်းဆုံး ဘောလုံးသမားဆုကိုပါ ရခဲ့တဲ့ ကမ္ဘာ့ဖလားစံချိန်မှာ ပထမဆုံး ဂိုးသမားဖြစ်ခဲ့တယ်လေ။ အဲဒီနေ့ပြီး နောက်တစ်နေ့ပေါ့။ တက္ကသိုလ်ကို ခြေစချတာ။ ဝှူး…………… မောလိုက်တာ ကျောင်းစတက်တဲ့နေ့ကို ပြောရတာ။

လှည်းတန်းကနေ တက္ကသိုလ်ရိပ်သာလမ်း တလျှောက် ငါကွတက္ကသိုလ်ကျောင်းသားကြီး ဆိုတဲ့ ခံစားချက်အပြည့်နဲ့ အဓိပတိလမ်းကြီးနဲ့ ဗထက်ချိုက်ကွေ့ရှေ့ကဖြတ်၊ တက္ကသိုလ်များဆေးရုံ အဲဒီနောက် ဆရာများဆောင်နဲ့ ပုဂံလမ်း။ အမေတို့ အဖေတို့ပြောပြောနေတဲ့ ရယ်မောသံတွေ ပြည့်နှက်ခဲ့တဲ့ တက္ကသိုလ်ဆိုတဲ့ ပတ်ဝန်းကျင်မှာ သူတို့အငွေ့အသက်တွေ ထိတွေ့လိုက်ရသလိုပဲ။ ဒါတွေ အကုန်ဖြတ်လာပြီးတော့ အင်းယားလမ်းမီးပွိုင့်ကို ခဏစောင့်၊ မီးပွိုင့်စိမ်းတော့ ဖြတ်လာခဲ့ပြီး အပြုံးနဲ့ ဆီးကြိုနေတဲ့ ကျောင်းတော်ကြီးရဲ့ အဝကိုရောက်လာပါတယ်။

ကျောင်းထဲဝင်လာတော့ မျက်စိလေး ပေကလည်၊ ပေကလည်နဲ့ ယောင်ချာချာလေးပေါ့။ ရုပ်ရှင်တွေထဲကလို ဘယ်သူကများ ချောက်ချမလဲ။ ဘယ်သူကများ ဝိုင်းလှောင်ကြမလဲ ခပ်ကြောက်ကြောက်နဲ့ပေါ့။ ဒါပေမယ့် ဘယ်သူမှတော့ ချောက်မချပါဘူး။ တက်ရမယ့်အဆောင်ကို တန်းတန်းမတ်မတ် ရောက်သွားပြီး ကျနော့ထုံးစံအတိုင်း နောက်ဆုံးတန်းတစ်နေရာမှာနေရာယူလိုက်ပါတယ်။ ကျနော် အတန်းထဲရောက်တော့ ယောက်ျားလေးက ကျနော်တစ်ယောက်တည်း မိန်းကလေးတွေက အယောက် ၃၀ လောက်ရှိမယ်။ ဟီးဟီး။ ကျနော်ကလည်း နေရခက်တာနဲ့ စာအုပ်တစ်အုပ်ထုတ်ပြီး ကဗျာတစ်ပုဒ် ချရေးလိုက်ပါတယ်။

ဘဝဆိုတဲ့ အရာဝတ္ထု
အစပြုလို့ ရောက်ခဲ့ရတယ်
YUFL……..။
တွေ့ဆုံကြုံကြိုက် သည်အခိုက်ဝယ်
ရည်ရွယ်ချက်တူ ဘီအေယူဖို့
အတူရောက်လာ သည်အခါမို့
မချောသုံးဆယ် တစ်ကိုယ်ရယ်မို့
ဘယ်လိုဘယ်ပုံ ဘယ်နည်းဘယ်လမ်း
ဘယ်လိုစခန်း ကျွမ်းရမည်ကို
ရွံ့နေသော်လည်း………။
ကျနော်တက္ကသိုလ် ကျောင်းတော်သားမို့
မချောတစ်ထောင် ကိုယ်တစ်ကောင်လည်း
လျှောက်လှမ်းမည်ဟု သန္နိဌာန်ပြု
မာန်ဟိတ်ဟန်စု
ငါဟဲ့ ယူအဖ်အယ်လ်ကျောင်းသား ဖြစ်ပေတော့သကိုး…………………..။
(နောင်တစ်ချိန်မှာ ဒီကဗျာကို ပြန်ပြင်ပြီး ကဗျာစာအုပ်လေး တစ်အုပ်မှာ ထည့်ခဲ့သေးတယ်။)
ကဗျာရေးပြီး မကြာခင်မှာပဲ နောက်ထပ်ကျောင်းသား ၂ယောက်ထပ် ရောက်လာပါတယ်။ တော်သေးတာပေါ့။

ဒီလိုနဲ့ ကျောင်းတက်ခေါင်းလောင်းထိုးတော့ အရပ်ရှည်ရှည် ဟိတ်ဟန်အပြည့်နဲ့ ဆရာမ တစ်ယောက် ရောက်လာပါတယ်။ ကျနော်တို့ အတန်းပိုင်ပေါ့လေ။ သူက သူ့လက်ထဲက နာမည်စာရင်းခေါ်တော့ သိပ်ရင်နှီးသလို နာမည်တစ်လုံး ကြားလိုက်တယ်။ ပြန်ထူးလိုက်တဲ့အသံကို လှမ်းကြည့်လိုက်တော့……… ဟုတ်ပါသည်။ သူမှသူ၊ သူမှသူစစ်စစ် အော် အချိန်တွေ ၇နှစ် ရယ် ဘာမှန်းမသိဝေးခဲ့ရပေမယ့် အခုတော့တို့ကို ကံတရားက တို့နှစ်ယောက်ကို ပြန်ဆုံခွင့် ပေးလိုက်ပြီလားဟင်။ တမျိုးတော့ မထင်ပါနဲ့ဗျာ။ ၄တန်းထဲက ကျနော်တို့ မြို့ကနေ ထွက်သွားခဲ့တဲ့ သူငယ်ချင်းပါ။ တခါတလေ ပြန်လာပေမယ့် အကြောင်းက မတိုက်ဆိုင်တော့ မတွေ့ရဘူးလေ။ လူတွေအများကြီးထဲမှာ ဆိုတော့ သတိမထားမိလိုက်ဘူး။ ဆရာမက အ၊ အိ၊ အု၊ အဲ၊ အော့(အို) စရေးတော့ နောင်မှာ အချစ်ဆုံး သူငယ်ချင်းဖြစ်လာတဲ့ စိုင်း အခန်းထဲကို ခွင့်တောင်းပြီးဝင်လာပါတယ်။ အဲ့ဒီမှာ ဆရာမကရစ်ပါလေရောဗျာ။ ရစ်တဲ့ဇာတ်လမ်းကတော့ ကိုယ့်ဟာကိုယ် ဆင်ဆာဖြတ်လိုက်ပြီ။ :)

ဒီလိုနဲ့ပဲ စာသင်ချိန်အပြီးကို စောင့်နေမိတာ ဘာသင်သွားမှန်းတောင် မသိလိုက်ပါဘူး။ ငယ်ချစ်ဦး အဲလေ။ ငယ်သူငယ်ချင်းကို နှုတ်ဆက်ချင်စိတ်တွေက ထိန်းမရတော့ဘူးလေ။ အတန်းဆင်းတော့ သူက အပြင်ထွက်သွားတယ်။ ကျနော်ကလည်း ဘယ်ရလိမ့်မလဲ တရောသောပါး လိုက်ပြီးခေါ်တာပေါ့။
“ဟဲ့… နီနီ။” သူကလှည့်ကြည့်တော့
(နင်ငါ့ကို မှတ်မိလား) လို့ ပြောမယ်ကြံတုန်း
“အေး ဗီလိန်။ နင့်ကို အစောကြီးတည်းက တွေ့သားပဲ။ တမင်မခေါ်တာ” နည်းနည်းတော့ နင်သွားတယ်။ “ကဲပါထားပါတော့။ နင်က ငါ့ကိုမှတ်မိတယ်ပေါ့။” နည်းနည်းတော့ စိတ်ထဲဝမ်းသာမိတယ်။
“အင်း နင်ဒီမှာ တက်မယ်ဆိုတာ ငါကသိပြီးသား။ ပြီးခဲ့တဲ့လကပဲ ငါမြို့ကို ပြန်ရောက်တယ်ဟ အဲဒါနဲ့သိခဲ့တာ။ သူတို့ပြောတုန်းက နင့်ကိုငါ လုံးဝကိုမမှတ်မိတာ။” ဒုတိယအကြိမ် ထပ်ပြီးနင်သွားသည်။ ဘာကို နင်နေမှန်းကိုမသိ တော်တော်တော့ ခံရခက်သည်။ သူကဆက်ပြောတယ်။
“နောက်မှ တဖြည်းဖြည်းပေါ်လာတာ။ ငယ်ငယ်တုန်းက အတန်းထဲမှာ ပေါက်ကရအမြဲလုပ်တဲ့ နင်ပဲလို့။” လုပ်ချလိုက်ပြန်ပြီ။ အင်းပေါ့လေ ခံပေါ့ ဗီလိန်ရယ် မင်းကိုက ဘူးချင်တဲ့ကောင် မှတ်ကရော။
“ဘာပဲဖြစ်ဖြစ် မှတ်မိရင်ပဲ ကျေနပ်ပါတယ် ဟယ်” လို့ စကားစဖြတ်ပြီး ထွက်မလို့လုပ်တုန်း
“နေဦးဟဲ့ ငါမှတ်မိတာ တစ်ခုရှိတယ်။ ပထမတန်းတုန်းက နင် အတန်းထဲမှာ အင်အင်းတွေ ယိုချတာလေ။ အဲဒါနင်လေ။ ဟုတ်တယ်မလား။ ဟုတ်ပါတယ် နင်ပါ။ အဲဒီတုန်းက ဘောင်းဘီလဲတော့ နင်က သတင်းစာလေးနဲ့ တောင်အုပ်ထား သေးတယ်လေ။” ပြောပုံကကြည့် ဘေးမှာက သူ့အဖော် သုံးယောက်နဲ့။ သေနာမလေး ဒါမျိုးကျတော့ ဉာဏ်ကကောင်းတယ်။ ကျနော်ကလည်းရှက်ရှက်နဲ့
“မဟုတ်ပါဘူးဟာ နင်ကလည်း ငါမဟုတ်ပါဘူး နင်မှားတာနေမှာပါ။ ငါသွားဦးမယ် ဟိုကောင်တွေနဲ့ ကန်တင်း ခဏသွားမလို့” ဆိုပြီး စကားစအတင်းဖြတ်ပြီး ထွက်လာရတော့တာပေါ့ဗျာ။ ....ကောင်မလေး။ သူချည်း တရပ်စပ်ပြောသွားတယ် ဘာမှန်းမသိပဲကို ခံလိုက်ရတာ။

ကန်တင်းမှာ စားစရာတွေမှာစား အတန်းပြန်တက်ပြီးတော့ ကျောင်းဆင်းတော့ ကျောင်းကအပြန် တက္ကသိုလ်ရိပ်သာလမ်း တလျှောက် သူ့အကြောင်းတွေပဲ စဉ်းစားလာမိတယ်ဗျာ။

ကျောင်းတော်ကြီးရဲ့ ပထမနေ့ အတွေ့အကြုံလေးပေါ့။ ကျောင်းပုံပြင် (၂) ပေါ့လေ။

ဗီလိန်

ကျောင်းပုံပြင် (၁) ဗီလိန် နဲ့ အားကစား
ကျောင်းပုံပြင် (၂) ဗီလိန် နဲ့ ပထမဆုံးနေ့
ကျောင်းပုံပြင် (၃) ဗီလိန် နဲ့ စာသင်ရက်များ
ကျောင်းပုံပြင် (၄) စာမေးပွဲအတွက် ပြင်ဆင်ခြင်း
ကျောင်းပုံပြင် (၅) ဗီလိန် နဲ့ မော်ကွန်းထိန်းများ

နှလုံးသားထဲက တက္ကသိုလ် (၁)

ကျောင်းစတက်တက်ချင်းတုန်းက ရေးခဲ့တဲ့ ကဗျာလေးကို ပြန်တင်ပေးလိုက်တာပါ။

ဘဝဆိုတဲ့ အရာဝတ္ထု
အစပြုလို့ ရောက်ခဲ့ရတယ်
YUFL……..။
တွေ့ဆုံကြုံကြိုက် သည်အခိုက်ဝယ်
ရည်ရွယ်ချက်တူ ဘီအေယူဖို့
အတူရောက်လာ သည်အခါမို့
မချောသုံးဆယ် တစ်ကိုယ်ရယ်မို့
ဘယ်လိုဘယ်ပုံ ဘယ်နည်းဘယ်လမ်း
ဘယ်လိုစခန်း ကျွမ်းရမည်ကို
ရွံ့နေသော်လည်း………။
ကျနော်တက္ကသိုလ် ကျောင်းတော်သားမို့
မချောတစ်ထောင် ကိုယ်တစ်ကောင်လည်း
လျှောက်လှမ်းမည်ဟု သန္နိဌာန်ပြု
မာန်ဟိတ်ဟန်စု
ငါဟဲ့ ယူအဖ်အယ်လ်ကျောင်းသား ဖြစ်ပေတော့သကိုး…………………..။

ဗီလိန်

Gmail မှာ Video Chat ရပြီ

Gmail မှာ Video Chat ရပြီ။

ကျောင်းပုံပြင် (၁) ဗီလိန် နဲ့ အားကစား

YUFL ကသူငယ်ချင်းတစ်ယောက်က ကျောင်းတော်ကြီးအကြောင်းလေး တစ်ခုလောက်ရေးပေးပါဆိုလို့ ရေးလိုက်တာပါ။ အစတည်းက ရေးဖို့အစီအစဉ်ရှိပေမယ့် သူ့တွန်းအားကြောင့် ခုချက်ချင်းပဲရေးဖြစ်သွားပါတယ်။

အရင်ဆုံး အားကစားနဲ့ ပတ်သတ်တာလေးပေါ့။ နိုင်ငံခြားဘာသာတက္ကသိုလ်ကြီးကို စရောက်ပြီး ၁လ လောက်ပဲရှိသေးတယ်။ ဂျာမန်ဘာသာက သူငယ်ချင်းတစ်ယောက် လုပ်လိုက်တာ အထက်တန်း ကျောင်းသားဘဝ ပြီးကတည်းက ပျောက်ဆုံးသွားခဲ့တဲ့ တနည်းပြောရရင် မီးခဲပြာဖုံးဖြစ်နေတဲ့ အားကစားပိုးက ပြန်လည်နိုးထလာတော့တာပေါ့။ သိပ်မကြာလိုက်ပါဘူး။ မေဂျာစုံကို သွားပြီး လူစု၊ ပိုက်ဆံစု၊ လိုချင်တဲ့ နံပါတ်တွေမှတ်။ တစ်သင်းစာပြည့်အောင် မနည်းစုရတယ်။ မေဂျာ ၇ခုရှိတာ တစ်ခုကိုမှ ယောက်ျားလေးက ၄ ၅ ယောက်ပဲရှိတာကိုး။ တစ်သင်းစာပြည့်တော့ အားကစားပဒေသာကိုသွား၊ ဝတ်စုံအပ်၊ နောက် ၃ရက်လောက်ကျတော့ ၀တ်စုံတွေရ စပြီးသောင်းကျန်းပါတော့တယ်။ နောက်ဆုံးချိန်တိုင်း အတန်းလစ်။ ဘောကွင်းမှာနေရာယူ။ ချိန်းထားတဲ့ အခြားအသင်းတွေနဲ့ ကန်ကြတာပေါ့။ ခဏခဏရှုံးတာကတော့ တပိုင်းပေါ့။

အဲဒီမှာ ဟောသည်က မင်းသားကြီး ဗီလိန်က ဘယ်မှာမှတ်လဲ။ တစ်သင်းလုံးမှာ မရှိရင် ပွဲဆက်ကစားလို့မရတဲ့ တစ်ဦးတည်းသော ဂိုးသမားကြီးပေါ့။ ကန်တဲ့နေရာမှာ သုံးမရလို့ ဂိုးဖမ်းတဲ့ဂိုးသမားတော့ မဟုတ်ဘူးနော်။ ဂိုးသမားတစ်ယောက်ရဲ့ဘဝ၊ ဂိုးသမားတစ်ယောက်ရဲ့နှလုံးသားနဲ့ အမှန်အကန်ဖမ်းတဲ့ ဂိုးစောင့် တာဝန်ယူ ရဲဘော်ကြီးပါ။ ဒါပေမယ့် နောက်ပိုင်းတော့ ဘုန်းတန်ခိုးရှင်ဆိုပြီး နာမည်ကြီးသွားသဗျ။ ဘုန်းတန်ခိုးဆိုတာက ကိုယ့်ဟာကို စာလုံးပေါင်း ပြောင်းလိုက်တာ။ အမှန်က ဖုန်း....တစ်ဂိုး။ ဟီးဟီး။ ဖုန်းကနဲ ကန်လိုက်တာနဲ့ တစ်ဂိုးပေးလိုက်ရလို့လေ။

သထုံကွင်းက ပြန်ရင် ညနေ ၆နာရီကျော်ကျော်။ ကွင်းထဲကအပြန် ဗထက်ချိုက်ကွေ့ အရင်တက္ကသိုလ် ကျောင်းကားတွေ စုရပ် တက္ကသိုလ်စာတိုက်ရှေ့က ကွင်းပြင်ဘေးက ကန်တင်းက အားသစ်ကဖီးမှာ အအေး ၃၊၄ခွက်နဲ့ ကုန်းဆင်း (အလကားရ ရေခဲရေ) ၁၀ခွက်လောက်မှာသောက်၊ ဟေးလားဟားလားနဲ့ ခုနက ဘောပွဲအကြောင်း ပြန်ပြောကြနဲ့ ၇နာရီလောက်ကျတော့မှ ပြန်ကြတာပေါ့။ ဒါတောင် ကားဂိတ် မရောက်ခင်ပြော။ ကားပေါ်မှာပြောနဲ့ ကားပေါ်က ဆင်းတဲ့အထိပါပဲ။ သြော်... တက္ကသိုလ်... တက္ကသိုလ်... ခုချိန်ထိ အဲဒီ ဗထက်ချိုက်ကွေ့ နားရောက်ရင် အဲဒီ ပုံရိပ်တွေက အတိုင်းသား မြင်နေရတုန်းပါပဲလား။

ဒီလိုနဲ့ တက္ကသိုလ်ကြီးကို မြိန်ရည်ရှက်ရည် ခံစားပြီး နောက်ဆုံးနှစ် ရောက်လာပါပြီ။ ဒီနေရာမှာ တစ်ခုပြောရဦးမယ်။ ကျောင်းတော်ကြီးမှာ ကျောင်းသားတွေကို အမြဲတမ်းဆူနေ ငေါက်နေတဲ့ အပေါက်ဆိုးဆိုး သဘောကောင်းကောင်း စာမေးပွဲဌာနက မော်ကွန်းထိန်းဆရာမကြီး တစ်ယောက်ရှိတယ်ဗျ။ ကျောင်းသားတွေကို ဆူနေကြဆိုပေမယ့် ကျောင်းသားတွေ အခက်အခဲတစ်ခုခုရှိလာရင် အမြဲဖြေရှင်း ပေးပါတယ်။ သူ့အကြောင်းကတော့ နောက်မှ အေးအေးဆေးဆေး ပြောပြဦးမယ်။ ကျနော် နောက်ဆုံးနှစ် ပြီးကာနီးကျတော့ ဖရက်ရှာတွေ ကိုလည်းကြိုရင်း ကျနော်တို့ Batch လည်းနှုတ်ဆက်ရင်းဆိုပြီး ပွဲတစ်ခုလုပ်ပါတယ်။ လုပ်စရာမရှိ ရှာကြံလုပ်တာပါ။ လုပ်တဲ့ပွဲကလည်း တရားဝင်မဟုတ်ရာကနေ တရားဝင်ဖြစ်သွားလေရဲ့။

ဖြစ်ပုံက ဒီလို ကျနော်တို့ နောက်ဆုံးနှစ် ဘောလုံးအသင်းနဲ့ ပထမနှစ်၊ဒုတိယနှစ် ညွန့်ပေါင်းအသင်းနဲ့ ကျောင်းတွင်း ချစ်ကြည်ရေးပွဲ ဆိုပါတော့ဗျာ။ သထုံကွင်းဘေးက တက္ကသိုလ်များ ဘောလုံးကွင်း (ထိုအချိန်က ဘဏ္ဏာအခွန်အသင်းရဲ့ လေ့ကျင့်ရေးကွင်း) ကို ငှားပြီး ကန်ကြတာဗျ။ ငှားတယ်ဆိုတာကလည်း ကွင်းစောင့်ကို ၁၀၀၀၀ လောက်ပေးပြီး တိတ်တိတ်ဆိတ်ဆိတ် ကန်ရတဲ့သဘောပါ။ အဲဒါကို မောင်မင်းကြီးသားတို့က ကျောင်းကကျောင်းသားဦးရေရဲ့ ၅၀% အထက်ရှိတဲ့ ပရိတ်သတ် (အထူးသဖြင့် ကောင်မလေးတွေပေါ့ဗျာ။ ကောင်လေးတွေ ရဲ့ တ၀က်လောက်က ဘောလုံးအသင်း ၂သင်းထဲမှာ ပါနေပြီကိုး) ခေါ်ချလာပါရော။ တစ်ပတ်လောက် အလိုတည်းက လက်သိပ်ထိုးပြီး လက်ကမ်းစာလေးတွေ ဝေထားတာကိုး။ ဒီလိုနဲ့ နေ့လည် ထမင်းစားချိန်ပြီးလောက်မှာ ကျောင်းကနေ အားလုံး ချီတက်လာပါလေရောဗျာ။ ကစားမယ့်သူတွေက တော့ ထမင်းမစားဘူးပေါ့လေ။

ကွင်းဝလည်းရောက်ရော ပြဿနာက စပါလေရော။ ကွင်းစောင့်က ပေးမ၀င်တော့ဘူး။ ကန်မယ့် ၂၂ယောက်နဲ့ အရံ ၁၀ယောက်လောက်ပဲ ၀င်ရမတဲ့လေ။ ကဲသေပြီဆရာပဲ။ အားလုံးကလည်း ကောင်မလေးတွေရှေ့မှာ အရှက်ကွဲ မခံချင်တာနဲ့ ရှက်ရမ်းရမ်းပြီး ပြဿနာရှာပါလေရော။ ကျနော်အပါအ၀င်ပေါ့။ နင်လားဟဲ့ငါလားဟဲ့ ပြောဆိုနေကြတုန်း ခုနကပြောတဲ့ မော်ကွန်းထိန်း ဆရာမကြီးက နေ့လည် ထမင်းစား ပြန်ရာကနေ အဲဒီနားကဖြတ်လာတော့ ကျနော်တို့ကိုတွေ့ရော။ ရှေ့ဆုံးမှာ ထောင်ထောင်ထောင်ထောင်နဲ့ ထင်းထင်းကြီး မြင်နေရတာက ကျနော်။ ဟီးဟီး။

ဆရာမကြီးက ကျနော် UFL ငပွကြီးကို
"ဟိုကောင် ဗီလိန် ဒီကိုလာစမ်း" ကျနော်လည်း ကုတ်ကုတ်ကုတ်ကုတ်နဲ့
"ဟုတ်ကဲ့ ဆရာမကြီး" ဆိုပြီး ရိုရိုကျိုးကျိုးလေးပေါ့။
"ဘာဖြစ်တာလဲ" ဆိုတော့ "ဟုတ်ကဲ့ ဆရာမကြီး။ ကျနော်တို့ ဘောကန်မလို့ပါ။"
"ဟဲ့ ဒါတော့သိတာပေါ့။ ဘာတွေစကားများနေလဲ လို့မေးနေတာ။" ဝေ့လည်ကြောင်ပတ် လုပ်မရတော့မှန်း ကျနော်သိလိုက်ပြီ။
"သူတို့က ပရိတ်သတ်တွေပါလို့ ပေးမကန်ဘူးလို့ ပြောနေလို့ပါ ဆရာမကြီး" ဆရာမကြီး တွေဝေသွားသည်။ "ဖယ်စမ်း" ဆိုပြီးရှေ့တိုးသွားပြီး "မင်းတို့က ဘာလို့ပေးကန်တာလဲ" ဆိုတော့ ကွင်းစောင့်ကလည်း
"အခုလို လူစုလူဝေးနဲ့ ဆိုပေးမကန်ရဘူးလို့ ပြောထားလို့ပါ ခင်ဗျ" အဲဒီတော့ ဆရာမကြီးက မျက်မှောင်ကြုတ်ပြီး
"ဟို ဆိုင်းဘုတ်မှာ ဘာရေးထားသလဲ" "တက္ကသိုလ် အားကစားကွင်းပါ ဆရာမကြီး" လို့ သူကပြန်ဖြေတယ်။
"အေး။ အခု ကန်မှာကလည်း တက္ကသိုလ်ကျောင်းသားတွေ တက္ကသိုလ်ကွင်း တက္ကသိုလ်ကျောင်းသားတွေ ပိုင်တယ်။ မင်းဘာမှ တားနေစရာမလိုဘူး" လို့ ပြောတော့။
"ဒါကတော့ ဆရာမကြီးရယ်။ အဆည(အောက်မြန်မာပြည် အဆင့်မြင့်ပညာဦးစီးဌာန)က ပြောထားလို့ပါ။ ကျနော်က ပေးမကန်တာမဟုတ်ပါဘူး။"
"ဟုတ်ပြီ အဲဒီ အဆညကို ပြောလိုက် ငါတာဝန်ယူတယ်လို့။ ငါက သူတို့ ကျောင်းက မော်ကွန်းထိန်း။ ဟုတ်ပြီလား။" ဆို ပြီး ဆရာမကြီးက ကျနော်တို့ကို ၀င်ခိုင်းတယ်လေ။

ကျနော်တို့လည်း ယောင်ပေပေနဲ့ ပျော်ပျော်ကြီး ၀င်သွားသပေါ့။ ဘယ်ရလိမ့်မလဲ။ ကွင်းစောင့်ကလည်း သူ့ ကောင်လေးတစ်ယောက်ကို အဆညကို လွှတ်ပြိးတိုင်ပါလေရော။ အဆညကလည်း ချက်ချင်း ကျောင်းကို ဖုန်းဆက်ပြီး ချုပ်ကြီးကိုတိုင်တော့တာပဲ။ ကျောင်းတော်ကြီးရဲ့ အရှင်သခင် ပါချုပ်ကြီးလည်း မနေသာတော့ပဲ။ ဂိုဏ်းချုပ် ၇ယောက် (မေဂျာ ၇ ခုရဲ့ ဌာနမှူး ပါမောက္ခများ)ကို ခေါ်၊ ခုံစောင်းမှာ ချိတ်ထားတဲ့ တိုက်ပုံကိုဆွဲ ပြီး သထုံကွင်းကို ချီတက်လာပါလေရောဗျာ။ ဒန့်...တန့်...တလန့်။ :) ဂိုဏ်းချုပ် ၇ယောက်တောင်မဟုတ်ပါဘူး။ ဒုဂိုဏ်းချုပ်တွေ ဘာတွေတောင်ပါသေးတယ်။

ချုပ်ကြီးလည်း ကွင်းထဲကိုအရောက် ကျနော်တို့ကလည်း အ၀တ်အစားလဲပြီး သွေးပူလုပ်နေချိန် အဆင်သင့်ပဲ။ မသိရင် ချိန်ကိုက်ထားသလားအောက်မေ့ရတယ်။ ဂိုဏ်းချုပ် ၇ယောက်ကတော့ ကိုယ်ကျောင်းသားတွေကို ကွက်ကျိကျိလုပ်နေပေမယ့် ချုပ်ကြီးကတော့ အားလုံးကိုခေါ်ပြီး "မင်းတို့က ဒီလိုမလုပ်ရဘူးလေကွာ။ ဆရာကြီးကို ပြောဆိုခွင့်တောင်း ပြီးမှလုပ်ပေါ့။ ပြီးတော့လည်း အခုကကျောင်းချိန်ကြီး။ နောက်ပြီး အခုလို ကျောင်းနာမည်တပ်ပြီး လူစုလူဝေးလုပ်ခွင့်မရှိဘူးကွ။ ကဲပါ ထားလိုက်တော့။ မင်းတို့ ကန်တာလာအားပေးတာပါ ကဲကဲ ပွဲစတော့လေကွာ" ဆိုပြီး အထူးတန်းပွဲကြည့်စင်မှာ နေရာယူလိုက်ပါလေရော။

ကျနော်တို့ အားလုံးလည်း ဝေး........ ဆိုပြီး "ကျေးဇူးတင်ပါတယ် ဆရာကြီး" ဆိုပြီး အားပါးတရ ပွဲစလိုက်ပါတော့သတည်း.........။

အဲဒီပွဲက ၁-၁ နဲ့ သရေကျသွားပြီး ထူးခြားချက်ကတော့ ဟောသည်က ကျနော်မင်းသားကြီး ယူအာ့ဖ်အယ်လ် ငပွကြီး ဗီလိန်က ပင်နယ်တီတစ်လုံး ကာကွယ်နိုင်လိုက်ပါတယ်ဗျာ။ (ဒါကကြော်ငြာ ဖာဂူဆန်သိရင် လာများငှားမလားလို့) :)

နောက်နေ့လည်းကျရော ဌာနမှူးအသီးသီးက သက်ဆိုင်ရာ ဘောလုံးသမားတွေကို မုန့်ဟင်းခါးကျွေးတာမှ နေ့လည်စာပါလွတ်ပါလေရောဗျာ................။

ဒါကတော့ ဗီလိန်ရဲ့ ကျောင်းပုံပြင် (၁)လေးပါ။ ကျောင်းသားတွေကို အမြဲနားလည် ပေးသော ဆရာကြီးနဲ့ ကိုယ့်ကျောင်းသားတွေကို အထိမခံကာကွယ်ပေးတဲ့ ဆရာမကြီးအပါအ၀င် ဆရာ၊ ဆရာမအားလုံးနဲ့ သူငယ်ချင်းတွေ အားလုံးအတွက် အမှတ်တရလေးပါ။

ဗီလိန်

ကျောင်းပုံပြင် (၁) ဗီလိန် နဲ့ အားကစား
ကျောင်းပုံပြင် (၂) ဗီလိန် နဲ့ ပထမဆုံးနေ့
ကျောင်းပုံပြင် (၃) ဗီလိန် နဲ့ စာသင်ရက်များ
ကျောင်းပုံပြင် (၄) စာမေးပွဲအတွက် ပြင်ဆင်ခြင်း
ကျောင်းပုံပြင် (၅) ဗီလိန် နဲ့ မော်ကွန်းထိန်းများ