စင်ကာပူ သီတင်းကျွတ်သို့ အလည်တစ်ခေါက်

လေယာဉ်ကွင်းကထွက်လာတော့ ညနေ ၅ နာရီ။ လမ်းမကြီးတလျှောက် ဘတ်စ်ကား တစ်စီးစာလောက်ရှိသည့် မီးပုံးများ စီတန်းကာ အလှဆင်ထားသည်။ ကောင်းကင်တွင်လည်း မီးပုံးပျံများ ပြည့်နှက်နေသည်။ တစ်လမ်းလုံးလဲ အလှပြကားများ၊ မီးရှူးမီးပန်းလိုက်ဖောက်သည့် ကားများဖြင့် စည်ကားနေသည်။ အဆောက်အဦတိုင်းတွင်လည်း အနီ၊ အဝါ၊ အပြာ ရောင်စုံမီးများဖြင့် တောက်ပဝေဆာနေသည်။ ကားလမ်းမများက ၃၊၄ ထပ် ဖြစ်နေလေပြီ။ PIE လမ်းကကြီးမှာ အတော်လေးသေးသွားပြီ ဟုထင်လိုက်မိသည်။ Cab Driver ကို City Hall ဘက်သို့မောင်းခိုင်းလိုက်ပြီး Marina Square နားရောက်တော့ ရဟတ်ယာဉ်များကလည်း သာသနာ့ အလံကြီးများဖြင့် ပျံဝဲနေသည်။

ယခင် Peninsula Plaza က အထပ် ၅၀ တိုက်မြင့်ကြီး ဖြစ်နေလေပြီ။ နာမည်ကတော့ ပြန်သုံးထားသည်။ "ပန်နင်ဇွဲလား" ဟု မြန်မာလိုပါ ရေးထားလေ၏။ အထပ် ၂၀မှ ၃၅ ထပ်အထိတွင်ကား ကြီးမားလှသည့် မော်နီတာကြီးပေါ်တွင် စင်ကာပူ နိုင်ငံတော်သမ္မတကြီး ဦးကျော်ဝင်း (ခေါ်) Jimmy Win သီတင်းကျွတ်မင်္ဂလာ စကားပြောနေသည်။ မင်္ဂလာမိန့်ခွန်းစကား ပြောကြားအပြီးတွင် ယခင်က သြဂုတ်လ ၉ ရက်နေ့(နိုင်ငံတော်နေ့) တွင်သာ အလှပြသော တိုက်လေယာဉ်များက ရောင်စုံမီးများဖြင့် ကောင်းကင်တွင် အလှပြနေကြပြီ။ ဘုရားရှင်ပြန်ကြွအလာကို နတ်ပြည်ထိတက်ပြီး ကြိုဆိုလေသလားမသိ။

ကားများပိတ်နေ၍ ပွဲတော်ကျင်းပရာ ထဲသို့မ၀င်ခဲ့တော့။ Peninsula Plaza နောက်မှ CTE လမ်းမပေါ်သို့ တိုက်ရိုက်ရောက်သော မြေအောက် ကားလမ်းမှ ၀င်လာကာ CTE လမ်းမှတဆင့် တူတော်မောင်ရဲ့ အိမ်ရှိရာ Yishun ဘက်သို့ မောင်းခိုင်းလိုက်သည်။ မရောက်တာ ၁၅ နှစ်လောက်ရှိခဲ့ပြီဆိုပေမယ့် ဒီလိုမျိုးသဝေထိုးချင်သေးလို့ တူတော်မောင်ကိုလာမကြိုခိုင်းခဲ့။ လေယာဉ်ဆိုက်တုန်းကတော့ ဖုန်းဆက်လိုက်ပါတယ်။ ချွေးတူမကလည်း ဒီည Bukit Panjang က ဘုရားကြီးမှာ တရားပွဲသွားလေတယ်တဲ့လေ။

Yishun ရောက်တော့ Supermarket တွေက မှိုလိုပေါက်နေတာကို တွေ့လိုက်ရတယ်။ Supermarket တိုင်းမှာလဲ လူတွေကလည်းပြည့်လို့။ Yishun ရပ်ကွက် ဓမ္မာရုံကနေလည်း အသံမစဲပဌာန်း ရွတ်ဖတ်သံကြားနေရတယ်။ အိမ်နားရောက်တော့ Interchange နားက မြက်ခင်းပြင်မှာ "ပိုးအိစံရဲ့ သီတင်းကျွတ်မင်္ဂလာပါ" သီချင်းကို Pioneer ၈ လုံးနဲ့ ဖွင့်ပြီး စတုဒီသာကျွေးနေလေနေရဲ့။ မုန့်ဟင်းခါးနဲ့ Berger King ဆိုလားပဲ။ ကားပေါ်ကဆင်းတော့ ဗျောက်အိုးသံတွေ မီးရှူးမီးပန်းတွေရဲ့ အသံတွေ ဝေေ၀ဆာဆာကြားရပါတယ်။ ကားပေါ်မှာတုန်းက အသံလုံနေလို့ သိပ်မသိသာ။ ၄၊၅နှစ်အရွယ် ကလေးတွေကတော့ ဓာတ်ခဲသုံး မီးရောင်စုံလျှပ်စစ် လက်တွန်းမီးပုံးလေးတွေနဲ့။ ဆယ်ကျော်သက်တွေကလည်း အထုပ်ကိုယ်စီနဲ့ မိဘဆရာတွေကို လိုက်ကန်တော့နေကြလေရဲ့။ တူတော်မောင်ရဲ့အိမ်ရောက်တော့ ၈ နာရီခွဲပြီ။

ထမင်းစားသောက်ပြီး တူဝရီးနှစ်ယောက် စကားစမြည်ပြောတော့ East Coast မှာ ဆီမီး ၁၀၀၀၀ လွှတ်ပွဲရှိကြောင်းနဲ့ ဆီမီး တစ်စုံကို ဒေါ်လာ ၅၀၀ ဆိုတဲ့အကြောင်း။ Bukit Panjang က ဘုရားကြီးမှာ သူ့မိန်းမသွားနေတဲ့ တရားပွဲ။ နောက်ပြီး Santosa မှာ သီတင်းကျွတ် မီးပုံပျံပွဲနဲ့ ပျော်ပွဲရွှင်ပွဲကို ၂၀၀၈က ဗုဒ္ဓဘာသာဝင် ဖြစ်သွားကြတဲ့ ဘက်ခမ်တို့ ဇနီးမောင်နှံပါလာကြသတဲ့။ မြေးနှစ်ယောက်ပါ ခေါ်လာတယ်ပြောတယ်။ NTU မှာက IC ရဲ့ စတိတ်ရှိုး။ ချစ်စမ်းမောင်နဲ့ ခရမ်းကတော့တီးနေတုန်းပဲ။ ဗညားနိုင်ကတော့ လုံးဝနားသွားပြီ ခင်မောင်သန်းကတော့ Editing ပဲလုပ်တော့တယ်တဲ့။ Toa Payoh ဘုန်းကြီးကျောင်းမှာက ၁၆ကြိမ်မြောက် ကမ္ဘာ့ဓမ္မစင်္ကြာရွတ်ပြိုင်ပွဲ။ မြန်မာပြည်က အဖွဲ့ ၈၀ ကျော်၊ စင်ကာပူက အဖွဲ့ ၂၀ကျော်၊ နိုင်ငံတကာက အဖွဲ့ ၅၀ကျော် ပြိုင်ကြသတဲ့။ ဒီနှစ်ထူးခြားတာက ပြိုင်ပွဲမှာ ပထမရတဲ့ အဖွဲ့ကနောက်နှစ် မြန်မာပြည်မှာလုပ်မယ့် သတ္တမအကြိမ် သင်္ဂါယနာတင်ပွဲမှာ အဖွင့်ဓမ္မစင်္ကြာတရားတော် ရွတ်ဖတ်ပေးရမယ်လေ။ သာသနာ့ မှတ်တိုင်တစ်ခုဖြစ်လို့ အဖွဲ့တိုင်းက မျှော်လင့်နေကြလေရဲ့လေ။ ပြောလိုက်တာမှစုံလို့။ အဲလိုနဲ့ ၁၂ နာရီတောင်ထိုးနေပြီ။ မနက်ဖြန် အလှူသွားဖို့ စောစောအိပ်တော့မယ်။

ကောဇာသက္ကရာဇ် ၁၄၀၆ ခုနှစ်၊ သီတင်းကျွတ်လပြည့်နေ့။

သမုဒ္ဒရာ ဝမ်းတစ်ထွာ

အင်း…ဒီကိစ္စက တော်တော်ခက်တယ်။ နေရာတကာမှာ ဒေါင်ကျကျ၊ ပြားကျကျ နေနိုင်ပေမယ့် (တစောင်းဆိုရင်တော့….အဲလေ။ ယောင်လို့) အစားအစာမှာ ဖြစ်သလိုမစားတတ်တာက ကျနော့ရဲ့ဒုက္ခပဲ။ အဲ အခုပိုဆိုးပြီ။ TAG ခေါင်းစဉ်က ဖြစ်သလိုစားတဲ့။ အကြွေးက အတိုးမတက်ပေလို့ပဲ။ အတိုးတက်လို့ကတော့ အတိုးနဲ့တင် မွဲမှာပဲ။ ဒီလိုဗျ။ ကျနော်က အစားဂျီးမများဘူး။ ဒါပေမယ့် ဇီဇာကြောင်တာ။ ဟီဟိ။ ပြောရမှာလဲ ရှက်ပါတယ်။ အဲဒါကပိုဆိုးတာ။ မနက်မနက်ဆို ဟင်းချက်တာနဲ့တင် ရုံးကို အမြဲ (အမြဲဆိုတာ မှ အမြဲ။ ပထမဆုံးတစ်ရက်ကလွဲရင် တစ်ခါမှက ၉ နာရီထိုး ရုံးမရောက်ဖူးဘူး။ :) )

ကြက်ဥကြော်တာခြင်း အတူတူတောင်မှ အကာမကြွတ်ရဘူး အနှစ် ကျက်ရမယ်။ အနှစ်ကလည်း လုံးဝကျက်မသွားရဘူး။ အနှစ်မှာတင်ကိုး အရောင်က နှစ်မျိုးဖြစ်နေရမယ်။ ကြော်တတ်ကြလားဗျ။ စိတ်ဝင်စားရင် သင်တန်းဖွင့်ပေးမယ်။
ဘဲဥဟင်း (ဒီမှာတော့ ကြက်ဥဟင်းပေါ့။ ဘဲဥဈေးကြီးလို့) ဆိုရင်တော့ တမျိုးဗျ။ ဘဲဥကို အရင်ပြုတ်ပြီး အခွံခွာ ပြီးတော့မှ အလုံးလိုက်ပြန်ကြော်ပြီး အကာလေးတွေ ကြွတ်ကြွတ်လေးနဲ့မှ ချက်တာ။ ဒါတောင် ခရမ်းချဉ်သီးမပါရင် သိပ်မကြိုက်ချင်ဘူး။

ကြက်သား၊ ဝက်သားကြော် ဆိုရင်လဲအောက်မှာ မုန့်ညှင်းရွက်လေးခံလိုက်မှ။ မရှိရင်တောင် ဂေါ်ဖီရွက်လေး ဖြစ်ဖြစ်ပေါ့။ ပြီးရင် အပေါ်ကလည်း နံနံပင်လေးအုပ်ပေါ့။
ကြက်သားကြော်မှာရှိသေးတယ်။ အရေခွံနဲ့ နံရိုးက မပါမဖြစ် ကြက်ကြော်ထဲမှာ အရေခွံကြော်နဲ့ နံရိုးကြော်ကို အကြိုက်ဆုံး။
ကြက်သားချက်၊ ကြက်သားကြော်ရင်လည်း ကြက်ကို ကိုင်လိုက်ရမှ။ ကြက်ကိုင်တယ်ဆိုတာ လည်ပင်းအရေပြား သွေးကြောမကြီးကိုဖယ်၊ ဇလုပ်ကို သေချာသတိထားပြီးထုတ်၊ အမြစ်ကို ဓားလေးနဲ့ ရှတတလေးလှီး အထဲက မစင်ထုတ်ကို ခပ်ဆတ်ဆတ်လေးခွာ၊ အမြစ်ထိပ်က အနံ့နံမယ့် ထိပ်ဖူးလေးကို ဆားနဲ့ သေချာပွတ်၊ အဆုတ်ကိုခွာ၊ နှုတ်သီးကိုဖြုတ်၊ အောက်မေးရိုးကို ဖယ်၊ ခြေထောက်အရေပြားထူကို ရေနွေးစိမ်ပြီး ခွာ။ အဲလိုမှ ကြက်သားချက်ရတာ ပီသတာ။ အခုတော့ကြည့်။ ကြက1်ဝယ်ရင် ကိုင်ပြီးသားတွေ။ အိမ်ရောက်ရင် အတုံးတုံးပြီး ချက်လိုက်ရုံပဲ။ အဲဒီတော့ ဆိုင်ကိုပဲ တုံးခိုင်းလိုက်တော့တယ်။ ချက်ရတာ ဖီးလ်မလာဘူး။
ကြက်သားအာလူး၊ ဝက်သားအာလူး ဆိုရင်လဲ အာလူးကိုမာပြီးကျက်အောင် အရင်ကြော်ပြီး ပြန်ဆယ်ထားပြီးမှ ချက်တယ်။ ကြက်သားအာလူး၊ ဝက်သားအာလူးမှာ အာလူးတွေ နူးပြီးပျော်ကုန်ရင်မကြိုက်။

ဝက်သားဆိုရင်လည်း ရေလုံပြုတ်ကိုမကြိုက် ရေလေးနည်းနည်းထည့်လိုက်။ ရေခန်းသွားရင် ရေလေးနည်းနည်း ထပ်ထည့်လိုက် မနူးမချင်းအထိ ထိုင်စောင့်ပြီး ဆီပြန်ရေကျန်လေး အရမ်းကြီးလဲနူးရင် မကောင်း။
ပုစွန်ဆိုလည်း အခွံမခွာပဲ ချက်ရင်မစား။ အခွံကို ကျကျနန ခွာပြီးမှ မစင်လမ်းကိုပါ သေချာဆွဲထုတ်လိုက်ရမှ စိတ်တိုင်းကျတယ်။
ငါးဆို အရိုးများတဲ့ငါး မစား။

ကြာဇံကြော်ရင်လဲ ကြာဇံအပျော့(တစ်ပါကင်ကို အလိပ်လေး ၁၀ လိပ်ပါတဲ့) မှ ဆိုင်တွေမှာ ကြော်တဲ့ အလုံးကြီးကြီးတွေ သိပ်မကြိုက်။ ဘာမှမပါနဲ့ ကြာဇံနဲ့ ကြက်ဥ၊ ကြာဇံနဲ့ ဂေါ်ဖီ အဲဒါလေးနဲ့တင်ဖြစ်တယ်။

ပဲပြုတ်နဲ့ ထမင်းဆီဆမ်းဆိုရင် ဆီကအစိမ်းနဲ့မှ အထူးသဖြင့် ရန်ကုန်မှာဆိုရင်တော့ ပဲဆီစစ်စစ်နဲ့မှ။ ကြက်သွန်ဖြူ၊နီ ဆီချက်နဲ့ဆို သိပ်မကြိုက်။ ပြီးရင် ဆားလေးနဲ့ဖြူးပြီးတော့ပေါ့။ ကြက်ဥပြုတ်နဲ့ ထမင်းဆီဆမ်းကြတော့ ကြက်သွန်ဖြူ ဆီချက်နဲ့ကို ပိုကြိုက်သဗျ။ ဆီစိမ်းနဲ့လည်း စားတော့စားပါတယ်။ သူလည်းဆားနဲ့ပဲ။ ကြက်ဥကြော်နဲ့ ထမင်းနဲ့ ကျပြန်တော့ အဲလိုမဟုတ်တော့ ဆီစိမ်းနဲ့ တရုတ်ပဲငံပြာရည်နဲ့ဗျား။
ပဲပြုတ်ကိုလည်း ပြန်ကြော်လိုက်ရင် မစားတော့။

လက်ဘက်သုပ်ဆိုလည်း ပဲကြမ်းကြော်မစား။ ဒါကတော့ ကျန်းမာရေးအရပါ။ ကျနော်က လေမကောင်းဘူးဗျ။ လက်ဘက်သုပ်စားရင် ထမင်းပါမှ။ ထမင်းနဲ့ရောသုပ်တဲ့ လက်ဘက်ထမင်းသုပ်ကို လည်းကြိုက်တယ်။ ဒါပေမယ့် ခံစားချက်ခြင်းတော့မတူဘူး။ လက်ဘက်သုပ်နဲ့ ထမင်းနဲ့ စားချင်တာနဲ့ လက်ဘက်ထမင်းသုပ် စားချင်တာနဲ့ မတူ။

မုန့်ဟင်းခါးဆိုလဲ ဧရာဝတီလက်ရာမှ။ ဒါတောင် တော်တော်လျှော့ထားတာ။

နောက်တစ်ခုက အင်းစတန့်ဆို တော်တော်များများမစား။ အထူးသဖြင့် ခေါက်ဆွဲခြောက် ကော်ဖီမစ်၊ တီးမစ်၊ ငါးသေတ္တာတွေ မစား။ အဲဒါတွေကြောင့် အလုပ်ကရှုပ်တာ။ ခေါက်ဆွဲခြောက်ဆိုတာထက် အဲဒီ့အထဲက အမှုန့်တွေကိုမစားတာပါ။ တခါခါ သိပ်ခက်ခဲနေရင် အထဲကခေါက်ဆွဲကို ယူပြီး ကိုယ်ကြိုက်သလို လုပ်စားတတ်တယ်။ ကော်ဖီဆို အမှုန့်နဲ့ ဖျော်မှ။ ဖြစ်နိုင်ရင် နို့နဲ့။ နို့မရလည်း နို့ဆီနဲ့ပေါ့လေ။ အင်းစတန့်ထဲမှာ နို့ဆီကတော့ စားဖြစ်တယ်ဗျ။ အရမ်းကြီးတော့ မဟုတ်ဘူး။

ပြောင်းဖူးဆိုရင်လဲ ပြောင်းဖူးစေ့ပေါ်က အခွံပါးပါးလေးကိုခွာပြီးမှ စားတာ။ မခွာရင် သွားကြားညက်လို့။ အခုနောက်ပိုင်း စိတ်မရှည်လို့ ပြောင်းဖူးပြုတ်တောင် မစားတော့ဘူး။
ဖရဲသီးဆိုရင် အစေ့မပါတဲ့အပိုင်းတွေပဲစားတယ်။ ဒီမှာကတော့ အစေ့က မပါသလောက်ဆိုတော့ ကျနော်နဲ့ကိုက်တယ်။ စားဖြစ်တယ်။ ရန်ကုန်မှာတုန်းက အဲဒီ အစေ့ကိုဖယ်ရတာကိုက စိတ်မရှည်ဘူး။

ဒီလိုဗျ။ ကျနော်က မစားခင် ပြင်ဆင်တဲ့ အချိန်မှာ စိတ်ရှည်တယ်။ ရှည်တာမှ သေသေချာချာကို ပြင်ဆင်ပြီးလုပ်တာ။ စားတဲ့အချိန် အလုပ်လာမရှုပ်နဲ့ မကြိုက်ဘူး။ ငါးဆိုလည်းဒီလိုပဲလေ။ အရိုးနွင်ရတာစိတ်မရှည်လို့ မစားဖြစ်တာများတယ်။
ဒါပေမယ့် မကြိုက်ဘူးဆိုတာတွေကို မစားတာပဲရှိတာပါ။ ငတ်ရင်စားတယ်။ :) အငတ်တော့မခံဘူး။ ကျနော့ စည်မျဉ်း၊ စည်းကမ်းတွေကို ငတ်ရင်တော့ ချိုးဖောက်တာပဲ။ ဒါပေမယ့် ငတ်တယ်ဆိုတဲ့ ဆိုတဲ့ စကားလုံးက သူများဆီမှာ စားရတော့မယ်။ အဲဒါပဲရှိတယ်ဆိုမှစားတာ။ ကိုယ့်ဟာကိုယ်ဆိုရင်တော့ ဒီစည်းမျဉ်းတွေကို မချိုးဖောက်ဘူး။ မရရအောင် ချက်တယ်။

နောက်တစ်ခုက ကျနော်က လူကို ဒုက္ခအလွန်အကျွံပေးတဲ့ အစာတွေကို လုံးဝ (မြည်းတောင်မကြည့်ဘူး) မစားဘူး။ (ချွင်းချက် အရက်နှင့်ဘီယာမပါ။ :) ) ကျနော်က အပူနဲ့လေနဲ့မကောင်းတော့ အထူးသဖြင့် ဒညင်းသီး၊ ဒူးရင်းသီး၊ ခရမ်းသီး၊ ငါးသလောက်၊ အုန်းသီး(အုန်းသီးကတော့ တတ်နိုင်သလောက်ရှောင်တယ်။ မုန့်ထဲပါလာရင်တော့ မတတ်နိုင်ဘူး။) ရှိသေးတယ်ဗျ။ မမှတ်မိတော့ဘူး။ နီးနီးစပ်စပ် မြင်တွေ့နေကြကတော့ ဒီလောက်ပဲ။ ဒါတွေကတော့ လုံးဝကို မစားတာ။

နောက်ဆုံး ဘယ်လောက်ထိများ ဇီဇာက ကြောင်လိုက်သေးလဲဆိုရင် ရေဆို ရေခဲရေတောင် မသောက်ဘူး။ ကဲ ရှင်းရော။

ကဲ….. ရပ်ကွက်တကာ၊ ရွာအစုံကနေ ကျနော့ကို “ဖြစ်သလို စား” ခေါင်းစဉ်နဲ့ တဂ်တော်မူထားကြတဲ့ ဘလော့အနုပညာရှင်များ အားလုံး ကျေနပ်နိုင်ကြပါစေဗျား။ တော်တော်ကြာနေပြီဖြစ်လို့ အားလုံးလဲရေးပြီးနေကြပြီ။ ထပ်တက်စရာတောင် မရှိတော့ဘူး။

ကြော်ငြာဝင်ဦးမှ....... အထက်ပါ စည်းမျဉ်းစည်းကမ်းများကို လိုက်နာ၍ ချက်ပြုတ်နိုင်သူ အိမ်ရှင်မတစ်ဦး အလိုရှိသည်။

• Miss 2009 ဝင်ရောက်နိုင်မည့် ရုပ်ရည်ရှိရမည်။
• ထားရာနေ၊ စေရာသွားနေနိုင်သူဖြစ်သလို အရာရာကို ဦးဆောင်ဆုံးဖြတ်နိုင်သူ ဖြစ်ရမည်။
• ပညာ အရည်အချင်းမှာ ဟားဗတ်ကျောင်းမှ မည့်သည့်ဘွဲ့မဆို လက်ခံသည်။
• အိမ်ထောင်ရေး အတွေ့အကြုံမှလွဲ၍ အချက်အပြုတ်၊ အစီအမံ၊ အနည်းဆုံး ၅ နှစ်အထက်ရှိရမည်။

အထက်ပါ အရည်အချင်းနှင့် ပြည့်စုံသူများသည် HR@villainlay.com.sg သို့ CV အပြည့်အစုံဖြင့် သော်လည်းကောင်း၊ လူကိုယ်တိုင် Human Resource သို့ လည်းကောင်း လာရောက်လျှောက်ထားနိုင်သည်။
Singapore & SPR only မဟုတ်ပါ။ Social Visit သမားများပါ လျှောက်ထားနိုင်သည်။

:D :D :D :D :D

ကျွန်ုပ်နှင့် ဂျိုကာဖဲ

ကဲ တောင်ပေါ်သားကြီးဝေ့။ နင်တက်တော့ ငါရေး၊ ငါတက်တော့ နင်ရေးပေါ့ဝေ့။ :)

ပိုးအိစံကတော့ ပြောပါတယ်။ “~~အချစ်ဆိုတာ ရယူခြင်းမှ မဟုတ်ပဲမဏိစန္ဒာ~~” တဲ့။
မျိုးကြီးကလဲ ပြန်ပြောရှာပါတယ်။ “~~ရယူခြင်းမဟုတ်ရင် အချစ်ကဘာလဲ~~” တဲ့လေ။ :D

အင်း အချစ်ဆိုတဲ့အကြောင်းကို အတွင်းရေးများဖော်ထုတ်ခြင်း မှာ ရေးခဲ့ဖူးတယ်လေဗျ။ အချစ်ဆိုတာ ပိုကာဝိုင်းထဲက ဂျိုကာဖဲချပ်လေးလိုပဲ။ တခြားဟာတွေပြည့်စုံနေရင်တော့ လိုချင်တယ်။ ကိုယ့်မှာဘာမှမရှိဘဲနဲ့တော့ ဘာမှလုပ်လို့မရဘူး။ ရှုပ်တောင်ရှုပ်သေးတယ်။ လွှတ်ပစ်လို့လဲမရ ကိုင်ထားလဲ ပန်းတိုင်မရောက်နိုင်တဲ့ အရာပေါ့။ ပိုကာဝိုင်းမှာ ငါးယောက်မဟုတ်လို့ run (series) လိုပြီဆိုရင် ကန့်လန့်ကန့်လန့်ခံနေတာက အဲဒီဂျိုကာပဲ။

အချစ်ဆိုတာလဲ အဲလိုပဲ ဘဝကြီးကိုချီတက်လို့ အဓိကအရာတွေမပြီးသေးခင် တစ်ယောက်ယောက်ကို ချစ်မိလို့ကတော့ သူ့အတွက် အများကြီးပေးဆပ်ရတော့မယ်။ အထူးသဖြင့် အချိန်၊ အချိန်တွေပေးပြီး သူနဲ့နေရတော့မယ်။ အချိန်တွေပေးပြီး ချစ်ရတော့မယ်။ နောက်တစ်ခုက စိတ်။ ကိုယ့် တခြားလုပ်စရာတွေ စဉ်းစားရမယ့်အချိန်မှာ သူ့ဆီစိတ်ရောက်နေပြီ။ အဲဒီ့မှာက နှစ်ခါနာတာပဲ။ ပန်းတိုင်ကြီး ရောက်ချင်တဲ့ သူတွေကတော့ အချစ်ဆိုတာကို ခဏဘေးချထားလေ့ရှိပါတယ်။ ဒါပေမယ့် ဆားမပါတဲ့ဟင်းလို ပေါ့ရွှတ်ရွှတ်တော့နေမပေါ့။ မထားလဲရတဲ့သူဆိုရင်တော့ ကောင်းတာပေါ့။

နောက်ပြီး လူတွေရဲ့ ဘဝအမျိုးမျိုးကိုလိုက်ပြီး စံသတ်မှတ်ပုံခြင်း မတူညီကြဘူးလေ။
အချစ်ဆိုတာကို
စီးပွားရေးသဘောနဲ့ ယှဉ်ကြည့်တဲ့သူက စီးပွားရေး သို့ ငွေနဲ့ စံထားလိမ့်မယ်။
နိုင်ငံရေးနဲ့ ယှဉ်ကြည့်တဲ့သူက နိုင်ငံရေးနဲ့ စံထားလိမ့်မယ်။
ပညာရေးနဲ့ ယှဉ်ကြည့်တဲ့သူက ပညာအရည်အချင်းနဲ့ စံထားလိမ့်မယ်။
တချို့က ရုပ်ရည်။ တချို့က စိတ်ဓာတ်။ တချို့က အရည်အချင်း။ တချို့က ………….. အဲ အမျိုးမျိုးပေါ့လေ။
ကျနော်ကဘာကို စံထားလဲ ဆိုတော့ အင်း……အဲ.…..ဟဲဟဲ မပြောတော့ပါဘူး။

အချစ်တကာ့ အချစ်တွေထဲမှာ ကျနော်အကြိုက်ဆုံး အချစ်ပိုင်ရှင်က အနော်ရထာ။ မိမိရဲ့ချစ်လှစွာသော မိဖုရားနဲ့ ဖောက်ပြန်သူဟု စွဲချက်တင်ထားတဲ့ စစ်သူကြီးကျန်စစ်။ ရာဇဒေါသ၊ ရာဇမာန်တွေနဲ့ မစီရင်ခဲ့။ မသတ်ရင်လည်း စည်းကမ်းပျက်မယ်။ သတ်ရင်လည်း အယုံကြည်ရဆုံး အားထားရတဲ့ အရည်အချင်းရှိစစ်သူကြီး ကို ဆုံးရှုံးရမယ့်အပြင် မိန်းမအတွက်နဲ့ သူလိုလူကို တောင်သတ်တယ်ဟေ့ လို့ အပြောခံရမယ်။ အဲဒါကြောင့် နှစ်ဘက်လွတ်အောင်လို့ ချုပ်ထားတဲ့ကြိုးကို အရိန္နမာလှံနဲ့ ချော်ပစ်၊ ဖြတ်ပေးပြီး ပြေးခွင့်ပြုလိုက်တဲ့ အနော်ရထာရဲ့ အသိဉာဏ်ရှိတဲ့ ယောက်ျားကောင်း ယောက်ျားမြတ်တို့ရဲ့ အချစ်လို့ခံယူမိပါတယ်။

အခုက ကိုတောင်ပေါ်သားက သေချာမှာထားလို့ ၁၅၀၀ အကြောင်းရေးတာပါ။ ၁၅၀၀ ပဲ ဖြစ်ဖြစ် ၅၂၈ ပဲ ဖြစ်ဖြစ် အချစ်ဆိုတာ အချစ်လို့ပြောတာထက် ပြည့်စုံတဲ့ ဖွင့်ဆိုချက်မရှိပါဘူး။ ထုတ်ပြီးပြောလိုက်ရင် ပြောလိုက်တဲ့ စကားလုံးက မပြည့်စုံဖြစ်ဖြစ် သွားတဲ့အရာပါ။ မူလဂုဏ်သတ္တိရှိတဲ့အရာပေါ့။ ဥပမာ- ချိုတယ်၊ ငန်တယ် ဆိုတာကို မသိတဲ့သူတစ်ယောက်ကို စမ်းမကြည့်ခိုင်းပဲ ရှင်းပြလို့မရပါဘူး။ စားကြည့်မှ သိနိုင်သလိုပါပဲ။ အချစ်ဆိုတာ ကိုယ်တိုင်ချစ်ကြည့်မှ သိနိုင်မှာပါ။ ကဲ…… သိချင်ရင်တော့ စမ်းသာကြည့်လိုက်ပါဗျာ။

ကဲ ထုံးစံအတိုင်းပဲကောင်းပါတယ်။ ဖောက်သည်ကြီး မဆုမွန် နဲ့ ခေါင်ခေါင် ကတော့ရေးပြီးသား။ အိမ် ရေ့ လုပ်စမ်းပါဦး ရွာစားရေ့ အချစ်လွမ်ချင်းလေးဗျိုး…………..။

ကမ်း

ဟုတ်တယ်။ ငါဟာတေလေငှက်
အနေမတတ်လို့လဲ သေမတတ်ခံခဲ့ရပြီးပြီ

ဆာလောင်မွတ်သိပ်ခဲ့တဲ့ လောဘတချို့နဲ့
ပြောမရအောင် ဆိုးပြခဲ့ပြီးပြီ

ဆန္ဒများနဲ့ မွန်းကြပ်
ရူးမတတ်လဲ ဒုစရိုက်မှာ ပျော်ဝင်ခဲ့ပြီးပြီ

ငွေခေါ်ရာနောက် တကောက်ကောက်
ငါးပါးသီလတွေလည်း
အကြိမ်ကြိမ် ကျူးလွန်ခဲ့ပြီးပြီ

အတ္တပြေးလမ်းမှာ
မာနတစ်ခုရဲ့ အရှိန်အဟုန်နဲ့
မာန်ဟုန်ပြင်းပြင်း ချီတက်ခဲ့ပြီးပြီ

“ငါ” ဆိုတဲ့စိတ်
မအိပ်ရတဲ့ ညတွေလည်းများခဲ့ပြီ

မျက်စိစုံမှိတ် ကြိတ်ခဲပျံသန်း
မောပန်းလာတော့........
နားစရာ တန်း၊ ကပ်စရာ ကမ်းမရှိတဲ့ ပင်လယ်ပြင်လေ………………။

ဗီလိန်

ဇာမဏီသွေး

လျှောက်….. အဆုံးထိလျှောက်
လမ်းရှိလို့ လျှောက်ရတာ။
မရှိရင်ကော…..
မရှိရင် ဖောက်ပြီးလျှောက်။

တက်….. အမြင့်ဆုံးထိတက်
တောင်ရှိလို့ တက်ရတာ။
မရှိရင်ကော…..
မရှိရင် ရှာပြီးတက်။

လှမ်း….. လမ်းဆုံးထိလှမ်း
ပန်းတိုင်ရှိလို့ လှမ်းရတာ။
မရှိရင်ကော…..
မရှိရင် ထားပြီးလှမ်း။

ငုပ်….. အနက်ဆုံးထိငုပ်
ရေရှိလို့ ငုပ်ရတာ။
မရှိရင်ကော…..
မရှိရင် ပင်လယ်ပြင်မှာငုပ်။

တိုက်….. အနိုင်ရတဲ့ထိတိုက်
တိုက်ပွဲရှိလို့ တိုက်ရတာ။
မနိုင်ရင်ကော။
မနိုင်ရင် နောက်ဆုံးထွက်သက်အထိတိုက်။

ဒါမှ ဇာမဏီသွေး။

ဗီလိန်

ရင်ခွင်နွေး၌ ခိုလုံခြင်း (၄)

ရင်ခွင်နွေး၌ ခိုလုံခြင်း (၃) မှ....

ဒီနေ့ ချစ်သူများနေ့ သူနဲ့ ချစ်ခဲ့တာ ၆နှစ်ပြည့်ပြီ။ ကန်ဘောင်သွားဖို့ပဲ ချိန်းထားတယ်လေ။ ကန်ဘောင်ဆိုတာ ချစ်သူတို့ရဲ့ အထင်ကရပဲမလား။ ရခိုင်မုန့်တီ စပ်စပ်လေးစားပြီး ချွေးစို့နေတဲ့ သူ့နဖူးလေးကို တစ်သျှူးလေးနဲ့ သုတ်ပေးမယ်။ မိုးမရွာနေမပူပဲ ဆောင်းထားတဲ့ ထီးတွေကြားထဲမှာ သူများတွေလိုပဲ ထီးဖွင့်ထားမယ်။ ဗလင်တိုင်းဒေး ဆိုတော့ လူတော်တော်ကြပ်လိမ့်မယ်။ စောစောသွားမှ နေရာရမှာ။ ပြီးရင် ဟိုကနေဝယ်လာတဲ့ အမွှေးပွရုပ်ကို သူဖက်အိပ်ဖို့ ပေးမယ်။ လိုချင်မယ်ဆို နှလုံးသားပါထုတ်ပေးဦးမှာ။ ပီတိအပြည့်နဲ့ ညီလေးဆီက ကားကို အနိုင်ကျင့်ပြီးယူလာခဲ့တယ်။ ပြည်လမ်းတလျှောက် ပြည်သူ့ရင်ပြင်ကိုဖြတ်ပြီး မြေနီကုန်းမရောက်ခင် ရှင်စောပုလမ်းနဲ့ ဓမ္မစေတီလမ်းထိပ် ရောက်ကာနီးမှ မီးက နီသွားပါတယ်။

မီးနီလို့ ဘရိတ်အုပ်ရုံရှိသေးတယ်။ နောက်က ဘရိတ်လွတ်လာတဲ့ ၄၅ ဘတ်စ်ကားက ကုန်းဆင်းအရှိန်နဲ့ ကျနော့ကားနောက်ဖင်ကို ခပ်ပြင်းပြင်း ဝင်ဆောင့်ပါတော့တယ်။ တဖက်ရှင်စောပုလမ်းကနေ မီးစိမ်နေပြီဖြစ်လို့ အရှိန်မလျှော့ပဲ ဆက်မောင်းလာတဲ့ ပဂျဲရိုးကလည်း ခေါင်းထွက်လာတဲ့ ကျနော့ကားကို ကီလို ၈၀နှုန်းနဲ့ ဖြတ်တိုက်လိုက်ပါတယ်။ ဘာမှမသိလိုက်တော့ပါဘူး။ အသိက မရတစ်ချက် ရတစ်ချက်။ သိတာကကျနော့ ပေါင်မှ ကားပြတင်းပေါက်ဘောင်က စိုက်နေတယ်။ ကျနော့ကိုယ်က ကားစတီယာရင်နဲ့ ကားအမိုးနဲ့ ကြားမှာညပ်နေတယ်လေ။ လှုပ်လို့လဲမရဘူး။ ရလဲအားမရှိတော့ဘူး။ သွေးတွေကလည်း ရဲပတောင်းခတ်လို့။ ဆူညံသံတွေ၊ ယာဉ်ထိန်ရဲ ဝီစီသံသဲ့သဲ့ တွေ တဖြည်းဖြည်း… တဖြည်းဖြည်း… တဖြည်းဖြည်း တိုးသထက်တိုးသွားပြီး……………………….။

ကဲ အိမ် နဲ့ မဆုမွန် ရေ တစ်ခုတော့တာဝန်ကျေပြီနော့။ သေဖို့လက်ကျန် ၁၀ ရက် တက် လေးပါ။

ရင်ခွင်နွေး၌ ခိုလုံခြင်း (၁)
ရင်ခွင်နွေး၌ ခိုလုံခြင်း (၂)
ရင်ခွင်နွေး၌ ခိုလုံခြင်း (၃)
ရင်ခွင်နွေး၌ ခိုလုံခြင်း (၄)

ရင်ခွင်နွေး၌ ခိုလုံခြင်း (၃)

ရင်ခွင်နွေး၌ ခိုလုံခြင်း (၂) မှ....

ပြည်ထောင်စုနေ့ရောက်တော့ သိပ်ပြီးထွေထွေထူးထူး မလုပ်ဖြစ်တော့ဘူး မလုပ်တာကြာပြီဖြစ်တဲ့ အဖေ့လုပ်ငန်းမှာ ကူလုပ်ပေးတယ်လေ။ နောင်တစ်ချိန်မှာ ကျနော့လက်ထဲရောက်လာမယ့် အလုပ်ပေါ့။ ကျွမ်းကျင်ပြီးသားဖြစ်ပေမယ့် မလုပ်တာကကြာပြီဆိုတော့ အလွဲအမှားလေးတွေရှိတာပေါ့။ ပြည်ထောင်စုနေ့ဆိုတော့ အလုပ်က တော်တော့ကိုပါးတာ။ နေ့လည်ဘက် အဖေနဲ့ ရှန့်ချီ လို့ခေါ်တဲ့ တရုတ် စစ်တုရင်တောင် ကစားဖြစ်သေးတယ်။ မဆော့တာကြာတာခြင်းအတူတူ သူ့ကိုဘယ်လိုဆော့ဆော့ကို မနိုင်တာ။ အင်းပေါ့လေ။ သူက ကျနော့ကို မွေးပေးခဲ့တဲ့အဖေပဲလေ။ ညနေဆိုင်သိမ်းပြီးတော့ အဖေ့စာအုပ်စင်ကို ရှင်းပေးရင်း အဖေ့ တရုတ်စာရေးစုတ်တံဟောင်းလေး။ မရေးတာကြာပြီဖြစ်လို့ ဆွေးမြေ့လုနီးနီး ဖြစ်နေပေမယ့် လွန်ခဲ့တဲ့ ၁၀နှစ်လောက်က ကျနော့အစ်ကို သူ့သားကြီး သူ့ကိုပေးခဲ့တဲ့ မွေးနေ့လက်ဆောင်လေးကို သိမ်းထားဆဲပေါ့။

၁၀နှစ် ခဏလေးပါ။ တကယ့်ကို ခဏလေးပါ။ အဖြူအစိမ်းလေးဝတ်လို့ ကျောင်းလိုက်ပို့ပေးခဲ့တဲ့ အချိန်ကစရင် အနှစ် ၂၀ ဝန်းကျင် ကျနော် အဖေ့အတွက် ဘာတွေလုပ်ခဲ့လဲ။ အဖေက ကောကျနော့အတွက် ဘာတွေလုပ်ခဲ့ဖူးလဲ။ စဉ်းစားကြည့်ရင် မျက်ရည်တွေကျလို့ ရှိုက်လို့ကို မဆုံးဘူး။ တစ်ညလုံးစဉ်းစားတာ ကုန်သွားတယ်ကိုးမရှိဘူး ခြေထောက်လေးနှစ်ချောင်းမပြီး ရှုရှူးတယ်တဲ့ အချိန်ကစလို့ ဟိုကနေ ဖုန်းဆက်ရင် ဘာလိုလဲ အမြဲမေးတဲ့အဖေ။ အဖေ့အကြောင်းတွေ တွေးလို့ တော်တော် ညဥ့်နက်မှ အိပ်ဖြစ်တယ်။

နောက်နေ့မနက် ကျတော့ သူငယ်ချင်းတွေနဲ့ ပဲခူးသွားဖို့စီးစဉ်ထားတာ အိပ်ယာထနောက်ကျပြီး ကမောက်ကမဖြစ်ခဲ့သေးတယ်။ ကျနော့ ချစ်သူက သွားဖို့ချိန်းထားတဲ့ အချိန် ၉ နာရီရောက်လို့ ဖုန်းဆက်တော့မှ နိုးတာလေ။ သူငယ်ချင်းတွေနဲ့ ခရီးမထွက်တာကြာပြီမလို့ စီစဉ်လိုက်တာပါ။ ပဲခူးက သူငယ်ချင်းတစ်ယောက်အိမ်မှာ ဂိမ်းတွေဆော့ကြ၊ ဂစ်တာတီးကြ၊ ပျော်ကြပါးကြပေါ့လေ။ ညနေစောင်းတော့ ဘုရားဖူးပြီး ရန်ကုန်အပြန် ညမိုးချုပ်မှရောက်ခဲ့ပါတယ်။ သိပ်ကိုပျော်ခဲ့ရတဲ့ နေ့လေးတစ်နေ့ပါပဲ။

ဆက်လက်ဖတ်ရှုပေးပါနော်.....။

ရင်ခွင်နွေး၌ ခိုလုံခြင်း (၁)
ရင်ခွင်နွေး၌ ခိုလုံခြင်း (၂)
ရင်ခွင်နွေး၌ ခိုလုံခြင်း (၃)
ရင်ခွင်နွေး၌ ခိုလုံခြင်း (၄)