ခြင်္သေ့

ငါလူမှန်းသိတော့
တူတူဆော့မယ့် ညီအစ်ကိုမရှိဘူး

ငါကျောင်းသွားတော့
တူတူသွားမယ့် သူငယ်ချင်းမရှိဘူး

ငါစာကျက်တော့
စာစစ်ပေးမယ့် အမေမရှိဘူး

ငါဆုတက်ယူတော့
လက်ခုပ်တီးမယ့် အဖေမရှိဘူး

ငါချော်လဲတော့
လာထူပေးမယ့် မိတ်ဆွေမရှိဘူး

ငါရန်ဖြစ်တော့
ကူညီပေးမယ့် သွေးသောက်မရှိဘူး

ငါမှိုင်တွေတော့
နှစ်သိမ့်ပေမယ့် ချစ်သူမရှိဘူး

ငါယိုင်လဲတော့
ဝိုင်းရယ်မယ့် လက်ညှိုးတွေပဲရှိတယ်

ဟား ဟား ဟား ဟား

ဒါပေမယ့် ရှိသေးတယ်
ငါ့မာန
ငါ့အတ္တ
ငါ့လုံ့လ
ငါ့ခံယူချက်နဲ့ ငါ ချီတက်ဦးမှာ
ခနဲ့ပြုံးနဲ့ တစ်ခွန်းပဲပြန်ပြောလိုက်မယ်

Only One, But Lion!

ဗီလိန်